"ნარკომანიის პრევენციის ცენტრის" დირექტორის მოადგილის გური მენაბდიშვილის განცხადებით, ნარკოტიკული ზემოქმედების ქვეშ მართვის გამო მძღოლს პასუხისგებაში მხოლოდ ნარკოტესტირების შედეგებით არ მისცემენ.

მენაბდიშვილის განმარტებით, მძროლს კლინიკური შემოწმება ჩაუტარდება, რომელსაც ნარკოლოგ-ექსპერტები განახორციელებენ.

მისივე თქმით, ნარკოტესტირება შეიძლება განხილული იყოს როგორც სელექციური ნაწილი, რომლითაც გადაწყდება, ვინ გადაიყვანონ კლინიკური ზემოქმედების დასადგენად და ვინ - არა.

"აქ ყველაზე მნიშვნელოვანია არა ის, რამდენი საათის წინ მოიხმარა პირმა ნარკოტიკული ნივთიერება ან არის თუ არა მის ორგანიზმში, არამედ არის თუ არა ის ზემოქმედების ანუ თრობის ქვეშ. ტესტი ადგენს მხოლოდ 1-დან 8 საათამდე მოხმარებას. თუმცა ეს არ ნიშნავს, რომ პირი იმ წუთიდან არის დასჯილი. პირი აუცილებლად უნდა იყოს გამოკვლეული როგორც ვიზუალური დათვალიერებით, ასევე შესწავლილი უნდა იყოს მისი ფსიქიკური და ნევროლოგიური მდგომარეობა", - აღნიშნა გური მენაბდიშვილმა.

ცნობისთვის, დღეიდან სატრანსპორტო საშუალების ნარკოტიკული, ფსიქოტროპული და ახალი ფსიქოაქტიური ნივთიერების ზემოქმედების ქვეშ მართვა სისხლის სამართლის წესით დასჯადი ხდება. 

კანონში შეტანილი ცვლილების თანახმად, ნარკოტიკული ნივთიერების ზემოქმედების ქვეშ სატრანსპორტო საშუალების მართვისთვის გათვალისწინებულია ჯარიმა, ან ერთ წლამდე თავისუფლების აღკვეთა. ასევე, 3 წლის ვადით სხვადასხვა უფლებების, მათ შორის, სატრანსპორტო საშუალების მართვის უფლების ჩამორთმევა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა