მზიურის მიმდებარე ტერიტორიაზე 14-სართულიანი კორპუსების მშენებლობა მიმდინარეობს, რასაც მოქალაქეთა პროტესტი მოჰყვა.

მოსახლეობის ნაწილი პარკის რეკრეაციულ ტერიტორიაზე მიმდინარე მშენებლობას აპროტესტებს.

„ჩვენ ვაპროტესტებთ მშენებლობას, ამ ადგილას აპირებენ 14-სართულიანი კორპუსის აშენებას, ორი უკვე დაწყებულია და მესამესაც აპირებენ. აქ არიან მოსული ამ ბარაკების მცხოვრებლები, რომლებიც აპროპტესტებენ, რომ  ჩვენი მამა-პაპა ცხოვრობდაო აქ. გასაგებია ეს ყველაფერი, მაგრამ ის მამა-პაპა ცხოვრობდა ერთსართულიან ბარაკებში და არა 14-სართულიან კორპუსებში. ამ სიმაღლის კორპუსები აქ საერთოდ არ უნდა აშენეს“, - განაცხადა ერთ-ერთმა აქციის მონაწილემ.

ადგილობრივი მაცხოვრებლების ნაწილი კი ამაში პრობლემას ვერ ხედავს.

მათი თქმით, კორპუსების მშენებლობა მზიურის ტერიტორიაზე არ მიმდინარეობს და ამით რეკრეაციულ ზონას პრობლემა არ ექმნება.

აღნიშნულთან დაკავშირებით განცხადება „ქართული ოცნების“ დეპუტატმა და ვაკის მაჟორიტარმა ბიძინა გეგიძემაც გააკეთა.

მისი განმარტებით, კორუსი უნდა აშენდეს, თუმცა დასადგენია რა კოეფიციეტებით განხორციელდება.

„უნდა აშენდეს, მაგრამ გააჩნია, რა აშენდება, რა გაბარიტების და როგორი ინტენსივობის კოეფიციენტით. მერიამ ნებართვები არ უნდა გასცეს არც ერთ პროექტზე, რომელიც გამოსულია ნორმებიდან“, - აღნიშნა გეგიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა