ევროკავშირის/შენგენის წევრი ქვეყნის ტერიტორიაზე შესვლისას, სასაზღვრო სამსახურის წარმომადგენელს უფლება აქვს მოითხოვოს შემდეგი საბუთები: საქართველოში დასაბრუნებელი ბილეთი, სასტუმროს ჯავშანი, სამოგზაურო დაზღვევა, მოგზაურობის ფინანსური უზრუნველყოფის დამადასტურებელი დოკუმენტი.

 იუსტიციის სახლში საქართველოს მოქალაქის პასპორტთან ერთად, შესაძლებელია გაიცეს სამოგზაურო დაზღვევაც.

იუსტიციის სახლი პირველი სახელმწიფო უწყებაა, რომელმაც კერძო სექტორის სერვისების გაცემა დაიწყო. იუსტიციის სახლში სამოგზაურო დაზღვევით 28 442 მოქალაქემ ისარგებლა. 

 სადაზღვევო პოლისები კომპანია „უნისონს" ეკუთვნის, რომლის შერჩევაც საჯარო აუქციონის საფუძველზე განხორციელდა.

იუსტიციის სახლში პასპორტის ასაღებად მოსულ მომხმარებელს ოპერატორი სამოგზაურო დაზღვევის პოლისსაც სთავაზობს, თუმცა პოლისის მიღება ნებისმიერ სხვა მომხმარებელსაც შეუძლია.

„უნისონის" სამოგზაურო დაზღვევა ორნაირია და მოიცავს, როგორც სამოგზაუროდ საჭირო რაოდენობის დღეების დაზღვევას, რომლის ღირებულება დღეში ერთი ლარია, ისე 1 წლიან მულტი პოლისს, რომლის ღირებულება 90 ლარია.     

იუსტიციის სახლში კომპანია „უნისონის" სამოგზაურო დაზღვევის შეძენა შეუძლია ყველა მომხმარებელს, მათ შორის უცხოელებსაც. პოლისის მისაღებად კი მხოლოდ პასპორტის წარდგენაა აუცილებელი.

 ამასთანავე, კომპანია „უნისონი" იუსტიციის სახლის მომხმარებელს დამატებით მომსახურებასაც შესთავაზებს, მათ შორის: ბარგის დაკარგვით გამოწვეული ზარალის ანაზღაურება, სასწრაფო სამედიცინო დახმარების ბრიგადის გამოძახება/მომსახურება, გადაუდებელი ოფთალმოლოგიური მომსახურება.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა