დიდი დიღმის მე-4 მიკრორაიონში, N29 საცხოვრებელი კორპუსის მიმდებარედ სკვერის რეაბილიტაცია მიმდინარეობს.

პროექტის ფარგლებში, საბავშვო მოედანი მოეწყობა, სადაც სხვადასხვა ატრაქციონი განთავსდება. ტერიტორიაზე ასევე, მოეწყობა განათების სისტემა, დამონტაჟდება საბაღე სკამები და შესაბამისი ინვენტარი. სკვერი გამწვანდება სხვადასხვა სახის ხე-მცენარით და ლითონის ღობით შემოისაზღვრება.

მიმდინარე სამუშაოებს საბურთალოს რაიონის გამგებელი გაიოზ ვასაძე საკრებულოს მაჟორიტარ დეპუტატ ავთანდილ ცინცაძესთან ერთად გაეცნო. გამგებელი და მაჟორიტარი დეპუტატი ადგილობრივ მოსახლეობასაც შეხვდნენ, რომელთაც ინფრასტრუქტურული პროექტები დეტალურად გააცნეს.

„მიმდინარე წელს, დიდ დიღომში ძალიან მნიშვნელოვანი ინფრასტრუქტურული პროექტების განხორციელებას ვგეგმავთ. მათ შორის, დაგეგმილია ათამდე დასასვენებელი სივრცის მოწყობა. მოსახლეობის დიდი სურვილია და ჩვენთვისაც მთავარ პრიორიტეტს წარმოადგენს, რაც შეიძლება ბევრი ლამაზი, კომფორტული, გამწვანებული ადგილი მოეწყოს“, - განაცხადა გაიოზ ვასაძემ.

სკვერის მოწყობის სამუშაოებს შპს „ტაო“ ახორციელებს, რომლისთვისაც გამგეობის ბიუჯეტიდან 41 604 ლარი დაიხარჯება.

აღნიშნული სამუშაოების პარალელურად, კორპუსის მიმდებარე ტერიტორიის კეთილმოწყობაც ხორციელდება. სამუშაოების ფარგლებში, 3 900 კვ.მ ფართობზე ასფალტის საფარი დაიგება და ბორდიური მოეწყობა.

საგზაო სამუშაოებს შპს „სკინჩი“ ასრულებს.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა