საპენსიო სააგენტოს საინვესტიციო საბჭოს წევრების ხელფასი 60 000 დოლარი იქნება

2019-03-25 14:22:24, 1219 ნახვა

საზოგადოება

საპენსიო სააგენტო საინვესტიციო საბჭოს წევრების მისაღებად საერთაშორისო კონკურსს აცხადებს.

კონკურსის ფარგლებში 5 ადამიანი უნდა შეირჩეს, რომლებიც 5 წლის განმავლობაში სააგენტოს საინვესტიციო პოლიტიკის განსაზღვრაზე იქნებიან პასუხისმგებლები. აღსანიშნავია, რომ საბჭოს წევრები თავმჯდომარეს თავად აირჩევენ.

გამოქვეყნებული ვაკანსიის თანახმად, საინვესტიციო საბჭოს წევრის ხელფასი წელიწადში 60 000 დოლარი იქნება. რაც შეეხება მუშაობის პროცესს - ეს სამსახური სრულ განაკვეთზე მუშაობას არ ითვალისწინებს. საბჭოს წევრები საქართველოში მინიმუმ წელიწადში ერთხელ უნდა ჩამოვიდნენ, შესასრულებელი სამუშაოს ჯამური რაოდენობა წელიწადში - 72 საათს შეადგენს. საბჭოს წევრების წლიური ხელფასი 300 ათას დოლარს შეადგენს [დამატებითი ხარჯები გათვალისწინებული არ არის].

მსურველებმა აპლიკაცია 20 აპრილამდე უნდა შეავსონ.