„ნატო-ს მხრიდან კიდევ ერთხელ დადასტურდა ერთგულება იმ გადაწყვეტილების მიმართ, რომ საქართველო გახდება ალიანსის წევრი ქვეყანა“, -  ამის შესახებ საქართველოს პრემიერ-მინისტრმა მამუკა ბახტაძემ მთავრობის ადმინისტრაციაში, ნატო-ს გენერალურ მდივანთან შეხვედრის შემდეგ გამართულ პრესკონფერენციაზე განაცხადა.

მან შეხვედრაზე განხილული საკითხების შესახებ ისაუბრა და ნატო-ს გენერალურ მდივანს საქართველოს მხარდაჭერისთვის მადლობა გადაუხადა.

„შეხვედრაზე განვიხილეთ საქართველოში ნატო-ში გაწევრიანების გზაზე მიმდინარე პროგრესი, ევროატლანტიკური ინტეგრაციის გზა, რა თქმა უნდა გულისხმობს ძალიან ბევრი მნიშვნელოვანი და ფუნდამენტური რეფორმის გატარებას. აღინიშნა, რომ საქართველოს მიერ ნაკისრი ვალდებულებები წარმატებით სრულდება და ინტეგრაციული მექანიზმის ეფექტიანი გამოყენება ეხმარება საქართველოს ნატო-ში გაწევრიანების საბოლოო მიზნის მიღწევაში. ნატო-ს მხრიდან კიდევ ერთხელ დადასტურდა ერთგულება იმ გადაწყვეტილების მიმართ, რომ საქართველო გახდება ნატო-ს წევრი ქვეყანა და კიდევ ერთხელ მსურს მადლობა გადავუხადო გენერალურ მდივანს იმ ძალიან მნიშვნელოვანი მხარდაჭერის გამო, რომელსაც ის ახორციელებს საქართველოს მიმართ. ნატო ყოველთვის ხაზს უსვამს მის მხარდაჭერას საქართველოს ტერიტორიული მთლიანობისა და სუვერენიტეტის მიმართ. ჩვენ ამავე დროს განვიხილეთ ის საკითხები და გამოწვევები, რომელიც უკავშირდება რუსეთის ფედერაციის მხრიდან ჩვენი ორი ისტორიული რეგიონის ოკუპაციას, იმ მტკივნეულ გამოწვევებს, რომელიც ჩვენ გვაქვს ამ ტერიტორიაზე ყველა მიმართულებით, მათ შორის ადამიანის ფუნდამენტური უფლებების დარღვევის გამო და ამავე დროს განვიხილეთ ის სამშვიდობო ინიციატივები, რომელიც მომზადებული იქნა საქართველოს მთავრობის მიერ“, - განაცხადა პრემიერმა.

მისივე თქმით, შეხვედრაზე ასევე აქცენტი გაკეთდა შავი ზღვის რეგიონის უსაფრთხოებაზე.

„ჩვენთვის სასიხარულოა, რომ შეხვედრაზე აღინიშნა ევროატლანტიკური უსაფრთხოების განმტკიცების საქმეში საქართველოს მიერ შეტანილი მნიშვნელოვანი წვლილი და ყურადღება გამახვილდა ჩვენი გმირი სამხედროების ერთგულებასა და პროფესიონალიზმზე. შეხვედრაზე ამავე დროს აქცენტი გაკეთდა შავი ზღვის უსაფრთხოებაზე. ეს გახლდათ ის მესიჯი, რომელსაც ჩვენ დიდი ხნის განმავლობაში ვსაუბრობდით ჩვენს მეგობრებთან, რომ შავი ზღვის რეგიონის უსაფრთხოების გარეშე, წარმოუდგენელია ნატო-ს სივრცის მდგრად უსაფრთხოებაზე საუბარი და ჩვენთვის სასიხარულოა, რომ შავი ზღვა უფრო და უფრო პრიორიტეტული ხდება ნატო-სთვის.

ასევე გნავიხილეთ ბრიუსელის სამიტზე მიღებული გადაწყვეტილებები შვა ზღვაზე საქართველოსთან თანამშრომლობის გაღრმავების საკითხში და დავსახეთ სამომავლო თანამშრომლობის პერსპექტივები“, - განაცხადა პრემიერმა.

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს