2019-03-24 02:51:41, 1229 ნახვა
საზოგადოება
ბათუმში გარდაცვლილი მელანო ფუტკარაძის ოჯახის წევრებმა აქცია მას შემდეგ შეწყვიტეს რაც ცნობილი გახდა რომ ექიმს უფლებამოსილება შეუჩერდა
ბათუმში გარდაცვლილი მელანო ფუტკარაძის ახლობლებმა ბაგრატიონის ქუჩა გადაკეტეს. ისინი რეფერალური საავადმყოფოს იმ ექიმების დასჯას ითხოვენ, რომლებიც ახალგაზრდა ქალს მკურნალობდნენ. გარდაცვლილის ოჯახის წევრები სამართალდამცავებს მოუწოდებენ, რომ აღნიშნული ფაქტი დროულად გახსნან.
ოჯახის წევრებმა საპროტესტო აქცია დროებით მას შემდეგ შეწყვიტეს, რაც ოჯახს მიაწოდეს ინფორმაცია, რომ გარდაცვლილი ქალს მკურნალ ექიმს უფლებამოსილება შეუჩერდა.
ექიმისთვის უფლებამოსილების შეწყვეტის შესახებ ინფორმაციას ოფიციალურად ამ ეტაპზე სამინისტროს არ დაუდასტურებია.
"თუ ექიმს შეუჩერდა უფლებამოსილება, მაშინ ჩვენ შევწყვეტთ აქციებს, დღეს კი ამ ინფორმაციის საფუძველზე დავიშლებით" - უთხრა აჭარის საზოგადოებრივ მაუწყებელს გარდაცვლილი ქალის ოჯახის წევრებმა.
ავტორი: ექსპრესნიუსი,
epn.ge (@expressnews.ge)
