2019-03-20 18:13:35, 1409 ნახვა

---

„ღია მმართველობის პარტნიორობის" ფორმატში საქართველომ ბოლო 6 წლის განმავლობაში ყველა მნიშვნელოვან წარმატებას მიაღწია

იუსტიციის მინისტრმა თეა წულუკიანმა საქართველოს პარლამენტის პლენარულ სხდომაზე დეპუტატებს სამინისტროს მუშაობის შედეგები გააცნო.

სხვადასხვა საკითხებთან ერთად, მინისტრმა „ღია მმართველობის პარტნიორობის“ ფორმატზე ისაუბრა და აღნიშნა, რომ ამ ფორმატში საქართველომ ბოლო 6 წლის განმავლობაში ყველა მნიშვნელოვან წარმატებას მიაღწია.

„ჩვენ ჩავატარეთ „ღია მმართველობის პარტნიორობის" გლობალური სამიტი. 2016 წელს ჩემი, იუსტიციელებისა და ამ მთავრობის  ძალისხმევის შედეგად ჩვენ აგვირჩიეს „OGP"-ის თანათავმჯდომარე ქვეყნად. გადმოვიბარეთ საფრანგეთიდან თავმჯდომარეობა ისეთი ორგანიზაციისა, როგორიც არის 75-ზე მეტი ქვეყნის გამაერთიანებელი ორგანიზაცია და ვუმასპინძლეთ სამიტს. უცხოელები ამბობდნენ, რომ ეს არის სტანდარტი, თუ როგორ უნდა ჩაატარონ სხვა ქვეყნებმა მსგავსი გლობალური სამიტები", − განაცხადა თეა წულუკიანმა.

 

 

(NS)

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი