ეროვნული არქივის კინოთეატრში 22 მარტს ქართული ანიმაციური ფილმების კვირეული გაიხსნება. 

პროექტი „რე-ანიმაცია", რაც ქართული მულტიპლიკაციური ფილმების ციფრულ მატარებელზე გადატანას,  რესტავრაციასა და კინოთეატრში ჩვენებას ითვალისწინებს, ეროვნული არქივისა და კინოსტუდია „ქართული ფილმის" თანამშრომლობით ხორციელდება.

გაწითლებული და გავარდისფრებული გამოსახულება, ნაკაწრები, ჩაბნელებული და გადანათებული ეპიზოდები, უხარისხო ხმა - გასულ საუკუნეში გადაღებული ქართული ანიმაციური ფილმები, რომლებსაც ტელევიზიით აჩვენებენ ან ინტერნეტსივრცეშია განთავსებული სწორედ ამ ფორმით დამკვიდრდა მაყურებლის მეხსიერებაში.

22-28 მარტს საქართველოს ეროვნული არქივის კინოთეატრი უმასპინძლებს 9 მოკლემეტრაჟიანი ქართული მულტფილმის ჩვენებას, რომლებიც საქართველოს ეროვნული არქივისა და კინოსტუდია „ქართული ფილმის" ერთობლივი პროექტის ფარგლებში აღდგა.

უკანასკნელი ათწლეულების განმავლობაში პირველად მაყურებელს საშუალება ეძლევა დიდ ეკრანზე პირვანდელი სახით უყუროს ქართულ მულტფილმებს.

კინოსტუდია „ქართულ ფილმში" 300-ზე მეტი ქართული მულტიპლიკაციური ფილმია დაცული. პირველ ეტაპზე 1960-1980 წლების 20-მდე ფილმის დიგიტალიზაცია გაკეთდა და რესტავრირებული ფილმები პატარა და მოზარდი მაყურებლისთვის ეროვნული არქივის კინოთეატრში იქნება ნაჩვენები. 

ანიმაციური ფილმები ეროვნული არქივის მაღალი გარჩევადობის კინოსკანერზე ციფრულ ფორმატში გადადის და ციფრული რესტავრაცია უტარდება. მულტიპლიკაციური ფილმებს  ფერის, გამოსახულებისა და ხმის კორექცია უკეთდება, რაც მისი პირვანდელი სახით აღდგენას ემსახურება. პროექტის მიზანია, ქართული ანიმაციის დასაცავად, მისი მაღალი ხარისხის ციფრული ასლების შექმნა, ბავშვებისა და მოზარდების ქართული მულტიპლიკაციური ფილმებით დაინტერესება და მათი პოპულარიზაციის გაზრდა. 

1960-1980 წლების ანიმაციური ფილმები დიდ ეკრანს ათწლეულების შემდეგ უბრუნდება. სეანსი 1 საათი და 35 წუთი გაგრძელდება. ნაჩვენები იქნება: „წუნა და წრუწუნა" (1962 წელი), „ბომბორა სწავლას იწყებს" (1973 წელი), „სახლობანა" (1973 წელი), „საზამთრო" (1974 წელი), „თერძი ბესო" (1977 წელი), „ხელმარჯვე ოსტატის საჩუქარი" (1983 წელი), „ყარყატის შვილობილი" (1985 წელი), „მძლეთამძლე" (1991 წელი), „სანუკვარი ოცნება" (1989 წელი). 

ქართული ანიმაციური ფილმების ჩვენება ეროვნული არქივის კინოთეატრში 22 მარტიდან 28 მარტის ჩათვლით გაიმართება (8 სეანსი). დასწრება თავისუფალია. 

განრიგი:

22 მარტი - 18:00

23 მარტი - 15:00, 18:00

24-27 მარტი - 15:00

28 მარტი  - 19:00

პროგრამის კურატორები: გიორგი კაკაბაძე, გიორგი ხარებავა. ციფრული აღდგენა: გიორგი კაკაბაძე, შალვა მიქუტიშვილი

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა