შუახევის მუნიციპალიტეტში, სოფლის მხარდაჭერის პროგრამის ფარგლებში განსახორციელებელი პროექტების შერჩევის მიზნით მოსახლეობასთან შეხვედრები აქტიურად მიმდინარეობს. 

შუახევის მერი ფრიდონ ფუტკარაძე, აჭარის ფინანსთა და ეკონომიკის მინისტრის მოადგილე არჩილ ვანაძე, მერის მოდგილე ომარ ტაკიძე და სხვა ხელმძღვანელი პირები შუბნის ადმინისტრაციულ ერთეულში შემავალი სოფლების მოსახლეობას შეხვდნენ. ხელისუფლების წარმომადგენლები ადგილობრივების საჭიროებებს გაეცნენ და სოფლის მხარდაჭერის პროგრამის მნიშვნელობაზე და პრიორიტეტებზე ისაუბრეს. შეხვედრები შუბანის, იაკობაურის, კობალთის, ქუთაურის, ტომაშეთის, დარჩიძეების და წელათის მოსახლეობასთან გაიმართა. აღსანიშნავია ისიც, რომ სოფლის საერთო კრებებზე გადაწყვეტილების მიღების პროცესში ქალები აქტიურად არიან ჩართულები. 

"პროგრამის მიზანია ადგილობრივი თვითმმართველობის განხორციელებაში მოსახლეობის ჩართულობის გაძლიერება და ადგილობრივი მნიშვნელობის პრობლემების გადაწყვეტა უშუალოდ მოსახლეობის მიერ დასახული პრიორიტეტების შესაბამისად. მნიშვნელოვანია ასევე სოფლის მხარდაჭერის პროგრამის ფარგლებში თითოეული სოფლისთვის გამოყოფილი თანხა მიზნობრივად დაიხარჯოს და სოფლის პირველი რიგის აუცილებელ საჭიროებებს მოხმარდეს“ - განაცხადა ფრიდონ ფუტკარაძემ. 

შეხვედრებზე გადაწყდა, რომ იაკობაურის მოსახლეობა პროექტის ფარგლებში წყლის პრობლემას მოაგვარებს, დარჩიძეებში, ტომაშეთში, შუბანში გარე განათება მოწესრიგდება, წელათში სასაფლაოების შემოღობვა გადაწყდა, ხოლო ქუთაურსა და კობალთაში გზასთან დაკავშირებული პრობლემების მოგვარება.

(R)

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა