აფხაზეთის დე-ფაქტო უშიშროების სამსახური - ოთახში მარტო ყოფნისას ირაკლი კვარცხელიამ თავი ჩამოიხრჩო

2019-03-13 17:18:29, 1556 ნახვა

რეგიონი

ოკუპირებული აფხაზეთის დე-ფაქტო უშიშროების სამსახური საქართველოს მოქალაქის ირაკლი კვარაცხელიას გარდაცვალებასთან დაკავშირებით განცხადებას ავრცელებს.

როგორც ე.წ. უწყების განცხადებაშია ნათქვამი, ირაკლი კვარაცხელია "საზღვარის უკანონო კვეთის ბრალდებით" დააკავეს. მათივე ცნობით, მან თავი მოიკლა.

2019 წლის 10 მარტს რუსეთის ФСБ-ს სასაზღვრო სამმართველოს თანამშრომლებმა საქართველოს მოქალაქე ირაკლი კვარაცხელია დააკავეს, რომელმაც აფხაზეთის სახელმწიფო საზღვარი უკანონოდ გადმოკვეთა. საბუთების შესადგენად ირაკლი კვარაცხელია სასაზღვრო სამმართველოს დანაყოფში გადაიყვანეს. ოთახში მარტო ყოფნისას მან თავი ჩამოიხრჩო. ადგილზე სამედიცინო პერსონალი გამოიძახეს, თუმცა კვარაცხელიას გადარჩენა ვერ მოხერხდა. სამედიცინო ექსპერტიზამ დაადგინა, რომ ცხედარს ძალადობის კვალი არ აღენიშნებოდა. მომხდარის გარემოებების გამოძიებას კი რუსეთის შესაბამისი უწყებები ახორციელებენ", - ნათქვამია განცხადებაში.

გარდა ამისა, ე.წ. უწყებაში აცხადებენ, რომ ქართულ მხარესთან ცხედრის გადაცემის საკითხის განხილვა უკვე მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები