2019-02-06 15:13:36, 1716 ნახვა

---

ბესელია - დადგა ეტაპი, რომ საბოლოო გადაწყვეტილება მივიღო, შევძლებთ თუ არა ერთად საქმის გაგრძელებას

„მე პირადად ავიღებდი რამდენიმე დღეს მაინც, რომ საბოლოო გადაწყვეტილება მივიღო შევძლებთ თუ არა ერთად საქმის გაგრძელებას“, - ამის შესახებ საპარლამენტო უმრავლესობის წევრმა ეკა ბესელიამ შეხვედრის დასრულების შემდეგ ჟურნალისტებს განუცხადა.

ბესელიას შეფასებით, უმრავლესობის შეხვედრა საკმაოდ რთული და ემოციური იყო.

“შემიძლია გითხრათ, რომ ალბათ დადგა ის ეტაპი, როდესაც მეც და რამდენიმე ადამიანმა საბოლოო გადაწყვეტილება მივიღოთ ღირებულებებთან და ფასეულობებთან დაკავშირებით. ჩვენ ერთ პოზიციაზე დავინახოთ ერთიანი სვლა თუ ვერა. ეს ეტაპი დავინახე მე პირადად, რომ ძალიან ახლოს მოვიდა. ამიტომ, მე გეტყვით ჩემს მოსაზრებას, რომ არ მინდა რაიმე ჩვენი ნაბიჯით ხელი შევუწყო სააკაშვილის და მისი ძალადობრივი სისტემის რეანიმირების და მის მობრუნებას 2020 წელს. არ მინდა იმ ძალადობრივ სისტემას მივცეთ რაიმე შანსი, რომ მოტრიალდეს და ხელში აიღოს ძალაუფლება. ამიტომ უნდა დავინახოთ ჩვენი შემდგომი ნაბიჯები როგორი უნდა იყოს. მე პირადად ავიღებდი რამდენიმე დღეს მაინც, რომ საბოლოო გადაწყვეტილება მივიღო შევძლებთ თუ არა ერთად გაგრძელებას, „ქართულ ოცნებას“ ვგულისხმობ, იმ პარტიას, რომლის დამფუძნებელიუც ვარ და ჩემს ხელში ფორმირდება. ძალიან ემოციური პროცესია. მაგრამ გადაწყვეტილების პროცესია”, – განაცხადა ეკა ბესელიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი