„თუ კენჭისყრის საკითხი დადგება, მათ მხარს ვერ დავუჭერ“, - ამის შესახებ პარლამენტის ვიცე-სპიკერმა თამარ ჩუგოშვილმა უზენაესი სასამართლოს მოსამართლეობის კანდიდატებთან დაკავშირებით განაცხადა.

როგორც ჩუგოშვილმა აღნიშნა, ფორმა, რომლითაც სია იქნა წარდგენილი, მისთვის მისაღები არ არის.

 „ამ პროცესში ჩემთვის ორი რამ არის პრობლემური. პირველი ეს არის მთლიანად პროცესი, რადგან ქვეყნისთვის უზენაესი სასამართლოს მოსამართლეების კანდიდატურების დასახელება უმნიშვნელოვანესია. ამ ფორმით წარმოდგენილ სიასთან პრობლემა მაქვს. მეორეა, კონკრეტული გვარები, რომლებიც სიაში არიან წარმოდგენილნი. ზოგიერთ მათგანზე ჩემი მოსაზრება 2012 წელს მაქვს დაფიქსირებული და აზრი არ შემიცვლია. თუ კენჭისყრის საკითხი დადგება, მათ მხარს ვერ დავუჭერ. მათ შორის გვრიტიშვილს ვგულისხმობ, რომელთანაც ადმინისტრაციულ სამართალდარღვევების განხილვის დროს სერიოზული ხარვეზები, კანონდარღვევები ფიქსირდებოდა იმ წლებში, როცა ჩემს ორგანიზაციას ადამიანების წარმომადგენლობა უწევდა. სია რა ფორმითაც იქნა წარმოდგენილი, მისაღები არ არის. ვერ გეტყვით, კენჭისყრა ჩატარდება თუ არა კვირის ბოლოს, იმედი მაქვს, რომ პარლამენტი მეტ დროს გამოიყენებს. პროცედურები მაქსიმალურად მალე უნდა შევქმნათ, რომ მომავალში ასეთი გაუგებრობები თავიდან ავიცილოთ”, – განაცხადა თამარ ჩუგოშვილმა.

შეგახსენებთ, იუსტიციის უმაღლესმა საბჭომ უზენაეს სასამართლოში წარსადგენ მოსამართლეთა 10 კანდიდატურა დაასახელა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს