„რატომ არ გქონდათ რეაგირება უფასო სასადილოებიდან თქვენი საპრეზიდენტო კანდიდატის, სალომე ზურაბიშვილის ბუკლეტების დარიგებაზე, როცა ეს სოციალური ქსელით გავრცელდა?! რატომ იყენებთ თბილისელების სოციალურ ბიუჯეტს, თქვენი პარტიული აქტივის დასაფინანსებლად?!“ - ამ კითხვებით მიმართა „ნაციონალური მოძრაობიდან“ საკრებულოს წევრმა, ლილე ლიპარტელიანმა თბილისის მერს, კახა კალაძეს საკრებულოს სხდომაზე.

ამასთან, ლილე ლიპარტელიანმა საქსტატის მონაცემები წარმოადგინა, სადაც სურსათსა და მედიკამენტებზე ფასების ზრდაა მოცემული.

„საქსტატის მონაცემებით, თქვენი ხელისუფლების ყოფნის პირობებში ფასები გაიზარდა სურსათზე 20%-ით, კომუნალურებზე 18%-ით, მედიკამენტებზე 60%-ით, ჯანდაცვაზე 37%-ით. დღეს, მე მინდა დავსვა კითხვა, ამ გაძვირებული ცხოვრების პირობებში, რატომ არ ხსნით ქველიმენტებს სოციალურად დაუცველი ოჯახების ვაუჩერებზე, რათა მათ ჰქონდეთ შესაძლებლობა ის 106 ლარი რაც გამოყოფილია მაგათთვის სრულად აითვისონ და მითუმეტეს ამ ყველაფრისთვის ბიუჯეტიდან დამატებითი ხარჯების გამოყოფა არ არის საჭირო, რატომ არ ითვალისწინებთ მედიკამენტების ვაუჩერს პენსიონერებზე, რაც შემოგთავაზეთ ჩვენ მითუმეტეს, როცა ვთქვი, რომ მედიკამენტებზე ფასი 60%-ით გაიზარდა. რატომ არ ზრდით უფასო სასადილოების დაფინანსებას?! რატომ  დააწყებინებეთ ბატონო მერო, სერგეენკოს ძმას მუშაობა მერიაში? რატომ არ გქონდათ რეაგირება უფასო სასადილოებიდან თქვენი საპრეზიდენტო კანდიდატის, სალომე ზურაბიშვილის ბუკლეტების დარიგებაზე, როცა ეს სოციალური ქსელით გავრცელდა?! რატომ იყენებთ თბილისელების სოციალურ ბიუჯეტს, თქვენი პარტიული აქტივის დასაფინანსებლად?! რა საჭიროება ჰქონდა  ნათია ექსეულიძეს, რომელიც სალომე ზურაბიშვილის წარმოადგენელი იყო კრწანისში, მე-16 საარჩევნო უბანზე, როცა მას 400 ლარი ეთჯერადი სოციალური დახმარებით დაეხმარეთ და ამავდროულად, მარტოხელა სოციალურად დაუცველ დედას, ნანა ნოსაჩევასთვის 100 ლარიც ვერ გაიმეტეთ?! თუმცა დღეს მე მაქვს უმთავრესი შეკითხვა რატომ უკეტავთ გზას, ჩვენს მომავალ თაობას თავისუფალი სამყარისკენ, ბატონო მერო, რატომ გააყალბეთ არჩევნები?!“ - აღნიშნა ლილე ლიპარტელიანმა.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება