„პოლიციის თმენის ვალდებულებასაც საზღვარი აქვს და მე მხარს გიჭერთ იმაში, რომ ყველამ აგოს პასუხი, ვინც კონკრეტული დანაშაული ჩაიდინა კირკიტაძემაც, ინაშვილმაც და დანარჩენებმაც, თუ ასეთ დანაშაულს ჩავიდენთ. მერე რა რომ საზოგადოებისთვის ცნობილი ადამიანები ვართ?!“ - ამის შესახებ „პატრიოტთა ალიანსის“ ლიდერმა, ირმა ინაშვილმა პარლამენტში განაცხადა, სადაც შინაგან საქმეთა მინისტრი, გიორგი გახარია პარლამენტარების შეკითხვებს პასუხობს.

ამასთან, როგორც ინაშვილმა აღნიშნა, რომ მისი პოლიტიკური გუნდი ძალოვან სტრუქტურაში ჰუმანურ პოლიტიკას მხარს უჭერს.

„მე მირჩევნია პოლიცია დარჩეს თმენის ვალდებულებაში, ვიდრე პოლიცია გავიდეს თმენის ვალდებულებიდან და ქუჩაში კიდევ არაერთი ახალგაზრდა მოკლას. ბევრი საქმეა გამოუძიებელი. მე ბუტა რობაქიძე ვახსენე, ვაზაგაშვილის მკვლელობის საქმე, ხარძიანის მკვლელობის საქმე, განურჩევლობაზე რომ ვლაპარაკობთ, ქალბატონი, მთვარისა ნავერიანი ითხოვს კონკრეტული დამნაშავეების დასჯას. მოხდა მანდილოსანზე თავდასხმა მისი შეურაცხყოფა ფიზიკური, სიტყვიერი და ვითომ არაფერი. როცა უნდათ, ქალი პრიორიტეტია და უნდა დაიცვან და კანონი განსაკუთრებულ სიმკაცრეს ითვალისწინებს და როცა არ აინტრესებთ პერსონა, ეს არის განურჩევლობა სხვა კი არაფერი. ამიტომ ჩვენ ყველამ ერთად უნდა მოვახერხოთ ერთი მარტივი რამ და თქვენ ამას გადასარევად უძღვებით სხვათაშორის და მე ეს მომწონს, ჩვენ მხარს ვუჭერთ თქვენს ამ ჰუმანურ პოლიტიკას ძალოვან სტრუქტურაში, მაგრამ არავითარ შემთხვევაში ჩვენ არ უნდა წაგახალისოთ თქვენ, როგორც მინისტრი და შინაგან საქმეთა სამინისტრო, რომ პოლიცია გავიდეს თმენის ვალდებულებიდან, თუმცა გეთანხმებით იმაში, რომ თმენას საზღვარი აქვს და ამ საზღვარს კანონი აწესებს და მე მხარს გიჭერთ იმაში, რომ ყველამ აგოს პასუხი, ვინც კონკრეტული დანაშაული ჩაიდინა კირკიტაძემაც, ინაშვილმაც და დანარჩენებმაც, თუ ასეთ დანაშაულს ჩავიდენთ. მერე რა რომ დეპუტატები ვართ და მერე რა რომ საზოგადოებისთვის ცნობილი ადამიანები ვართ, ჩვენ გვაკისრია ვალდებულება და ჩვენც გვაქვს პასუხისმგებლობა კანონის წინაშე“, - განაცხადა ირმა ინაშვილმა.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება