თბილისში, შპს „ნოვა“-ს  24 000 კვ.მ ფართობზე განთავსებული  საწარმო და სასაწყობე ინფრასტრუქტურა გაიხსნა. პროექტი  EBRD-ის და თიბისი ბანკის მხარდაჭერით განხორციელდა.  ევრო სტანდარტების შესაბამისი  საწარმოო ხაზების, სასაწყობე მეურნეობის გამართვას და საჭირო ინფრასტრუქტურის მოწყობას, ჯამში  12 მილიონი ლარი დასჭირდა.

პროექტის ფარგლებში „ნოვამ“  დამატებით 10 საწარმოო ხაზი დანერგა.  მეტალოკრამიტის, პროფნასტილის სასახურავე მასალის, წყალსაწრეტი სისტემების,  მეტალოპლასტმასის  არმირების პროფილების საწარმოო ხაზები „ნოვას“ თბილისის და ბათუმის ფილიალებში განთავსდა.

EBRD-ის მიმდინარე პროექტის ფარგლებში „ნოვაში“   შრომის ჰიგიენის და უსაფრთხოების სტანდარტი  OHSAS 18001:2007 ინერგება.  კომპანია  უახლოეს მომავალში გეგმავს დააკმაყოფილოს ევროპის ეკონომიკურ ზონაში მოქმედი დირექტივები და  შესთავაზოს მომხმარებელს პროდუქცია  CE ნიშანდებით, რომლის მიხედვითაც დაცულია მომხმარებლის ჯანმრთელობა, უსაფრთხოება და გარემო პირობები.

„წარმოების გვერდში დგომა და დაფინანსება მნიშნელოვანია, როგორც ბანკისთვის ასევე,  ქვეყნის ეკომონიკური განვითარებისთვის. ჩვენი მხარდაჭერით „ნოვას“  ახალი ქარხნის დაფინანსება მოხდა. თიბისის საშუალებით „ნოვამ“ შეძლო რესურსის მოძიება EBRD-დან საწარმოს განვითარების პროგრამის ფარგლებში, რამაც უზრუნველყო ევროპელი კონსულტანტების  ჩართულობა საწარმოო პროცესების დახვეწაში“, - განაცხადა თიბისი ბანკის გენერალურმა დირექტორმა ვახტანგ ბუცხრიკიძემ.  

სამშენებლო მასალების იმპორტიორი და მწარმოებელი კომპანია „ნოვა“ 2007  წლიდან მოღვაწეობს ქართულ ბაზარზე.  ამ დროისთვის თბილისსა და ბათუმში კომპანიის საკუთრებაშია:   საგამოფენო დარბაზები, სასაწყობე მეურნეობები, სასახურავე მასალების და აქსეუარების,  პროფილების და პოლიეთილენის ავზების საწარმოები.

„ნოვას“ ახალ საწარმოსა და სასაწყობე მეურნეობაში - 60 ადამინი,   ჯამში  თბილისის  და ბათუმის ფილიალებში კი -  320  ადამიანია დასაქმებული.

(NS)

ავტორი: ,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს