„თურმე ხელისუფლება არ აპირებს ოპოზიციასთან ილაპარაკოს საარჩევნო სისტემის ცვლილების თაობაზე და პროპორციულ სისტემაზე გადასვლის საკითხზე,  ეს ნიშნავს იმას, რომ მათ არანაირი სიგნალი არ მიუღიათ საზოგადოებისგან“, - ამის შესახებ „ევროპული საქართველოს“ წევრმა, ელენე ხოშტარიამ დღეს გამართულ ბრიფინგზე განაცხადა.

ელენე ხოშტარიას თქმით, ძალიან მნიშვნელოვანია მომდევნო არჩევნები პროპორციული წესით ჩატარდეს.

„აბსოლუტურად არანაირი სიგნალი არ მიუღიათ საზოგადოებისგან ამ არჩევნებზე. საზოგადოებისგან, რომლის ძალიან დიდი ნაწილი არის განწყობილი საპროტესტოდ და ეს სიგნალი მათ მისცა საზოგადოებამ, რომ საზოგადოება უკმაყოფილოა „ქართული ოცნების“ უკონტროლო და ერთპიროვნული მმართველობით. მათ ვერ გაიგეს, რომ ყველა მინუს „ქართული ოცნება“ ელოდება  ისეთი ტიპის არჩევნებს და ისეთი ტიპის ხელისუფლების ცვლილებას, სადაც ვერავინ იქნება შეუზღუდავი უკონტროლო და მითუმეტეს ერთი ადამიანის სურვილით მოქმედი პოლიტიკური ძალა.  დღეს პროპორციულ სისტემაზე გადასვლა არის არა რომელიმე ერთი პარტიის ინტერესში, არამედ, ჩვენი ქვეყნის ისტორიული ამოცანა, რომელსაც ითხოვს საზოგადოება, რომ არც ერთი ხელისუფლება ასეთი არასწორი და უკონტროლო ბერკეტებით ხელისუფლებაში არ მოვიდეს“, - განაცხადა ხოშტარიამ.

ავტორი: ,

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას