ლაშა თორდია ფარცხალაძეზე - ერთ დღეში ბრალის წაყენება და 5 000 ლარის შეფარდება რაღაა თქვე კაი ხალხო?!

2018-11-06 13:28:51, 1842 ნახვა

კომენტარი

„შევცდი, ციხეში ჩასმაზე გადავაჭარბე მოლოდინს“, - ასე ეხმაურება აუდიტის სამსახურის ყოფილი ხელმძღვანელი ლაშა თორდია მისი ცემის საქმეზე ყოფილი მთავარი პროკურორისთვის, ოთარ ფარცხალაძისთვის აღკვეთის ღონისძიების სახით გირაოს შეფარდებას.

„მინიმუმ ორი მილიონი მხოლოდ ამ გარიგებიდან გამოღლიტა მერიას, ნუ ჩემზე თავდასხმა გასაგებია და ბევრს არ ვისაუბრებ.

ერთ დღეში ბრალის წაყენება, ჩუმად სასამართლოს გამართვა და 5000 ლარის შეფარდება რაღაა თქვე კაი ხალხო?!“, - წერს ლაშა თორდია.

ცნობისთვის, საქართველოს ყოფილ მთავარ პროკურორს, ოთარ ფარცხალაძეს ბრალი გუშინ წარედგინა. ადვოკატის ინფორმაციით, მას სსკ-ის 126-ე მუხლს ედავებიან, რაც ცემას გულისხმობს. კერძოდ, ოთარ ფარცხალაძესა და ყოფილ გენერალურ აუდიტორ ლაშა თორდიას შორის ფიზიკური დაპირისპირება 2017 წლის 12 მაისს მოხდა, რა დროსაც თორდიამ ფიზიკური დაზიანებები მიიღო. ფარცხალაძის სასამართლო პროცესი გუშინ ბრალის წარდგენის შემდეგ გაიმართა და მას 5000-ლარიანი გირაო შეეფარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები