რკინიგზის დეპარტამენტის პრესსამსახურის უფროსი, დაჩი ცაგურია, „რუსთავი 2“-ის გენრალური დირექტორის, ნიკა გვარამიას განცხადებასთან დაკავშირებით პროკურატურაში სარჩელის შეტანას აპირებს.

საქმე ეხება, ნიკა გვარამიას საუბარს გადაცემა „კვირის აქცენტებში“, სადაც ის „ქართული ოცნების“  და დაჩი ცაგურიასა კრიმინალური ავტორიტეტების წინასაარჩევნო გარიგებაზე, რომელიც არ შედგა და რის გამოც ,ცაგურიას ე.წ. კანონიერი ქურდები ემუქრებიან.

„დაჩი ცაგურიას უთხრეს, რომ სამტრედიაში ადგილობრივ ავტორიტეტებს დალაპარაკებოდა, ისე გააკეთე რომ სამტრედია მოვიგოთ და შემდეგ ფულს გადავიხდითო, „გრევი“ იქნებაო... სამტრედიაში წაგების შემდეგ ე.წ. კანონიერმა ქურდებმა „გრევი“ მოითხოვეს, რაზეც დაჩი ცაგურიამ უთხრა, რომ დიდი ბოდიში, „გრევი“ არ იქნება, რადგან არჩევნები წავაგეთო.  ქურდებმა უთხრეს: კარგი, მამაშენმა იცის სად გეძებოს, როცა დაიკარგებიო. არის კატის დღეში, უბედური ცაგურია და მამამისი. მინდა შინაგან საქმეთა სამინისტრო გავაფრთხილო, ცუდად არის ეს ბიჭი. არ ვიცი მან გითხრათ თუ არა, მაგრამ საფრთხის ქვეშაა კრიმინალური ავტორიტეტების მხრიდან და მიაქციეთ ყურადღება, რადგან ის ამ ქვეყნის მოქალაქეა და ნამდვილად არ მსურს, დამნაშავეების ხელში მოხვდეს, მითუმეტეს, სხვის დავალებას ასრულებდა“, - განაცხადა ნიკა გვარამიამ.

ცაგურია გვარამიას ინფორმაციას უარყოფს და აღნიშნავს, რომ მსგავსი განცხადებები ქვეყანაში დესტაბილიზაციისა და არეულობის მოსაწყობად კეთდება.

ამასთან, ნიკა გვარამის გამოკითხვას ითხოვს.

„დღეს 17:30-ზე მთავარ პროკურატურაში (ორთაჭალაში) შემაქვს განცხადება გვარამიას ბოდვებთან დაკავშირებით, ვითხოვ გამოიძებას იმ ფაქტების რაზეც გვარამია წუხელ საუბრობდა. მე მიაჩნია რომ ეს იყო ირიბი მუქარა, არანაირი კავშირი მქონია ქურდულ სამყაროსთან და შესაბამისად არც არანაირ საფრთხეს არ ველი რაღაც გაუგებარი ვითომ კრიმინალური სამყაროს წარმომადგენლებისგან. მე ერთადერთი რისი ეჭვიც მაქვს ესაა დაგეგმილი პროვოკაცია ნაცმოძრაობისა და მათი რუპორის გვარამიას მხრიდან. თუ რაიმე მოხდა მინდა ყველამ იცოდეს რომ ჩემი ვარაუდით ეს იქნება მხოლოდ გვარამიასა და მისი პარტიის მხრიდან განხორციელებული ქვეყანაში დესტაბილიზაციისა და არეულობის მოსაწყობად. ერთი სიტყვით ვითხოვ გამოძიებას, დაიკითხოს გვარამია, რათა სამართალდამცავმა სტრუქტუტურებმა გაარკვიონ მქონია თუ არა ოდესმე კავშირი კრიმინალებთან და მიპირებენ თუ არა პროვოკაციას გვარამია და მისი პარტიის ლიდერები, მე მათგან არაფერი გამიკვირდება“, - წერს დაჩი ცაგურია.

ავტორი: ,

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს