ბიზნესმენ ამირან დეკანოიძის შვილის გიორგი დეკანოიძის გატაცების საქმეში შესაძლოა, აფხაზი კრიმინალური ავტორიტეტები იყვნენ ჩართული, -ამის შესახებ ინფორმაცია საქმის პროკურორმა, ბექა ხუნაშვილმა, დღეს გამართულ სასამართლო პროცესზე დაადასტურა.

 მისივე განმარტებით, მონაწილე კრიმინალური დაჯგუფების წევრთა ნაწილი, შესაძლოა, ოკუპირებულ ტერიტორიებზე იყოს გადასული.

 ამასთან, გამოძიება ყველა ვერსიას განიხილავს და შეისწავლის.

 „საქმეზე გამოძიება გრძელდება, მე სასამართლოს მიმდინარეობის პროცესში  განვაცხადე და ბუნებრივია, ტელე-ეთერშიც ამას გეტყვით, კონკრეტულ გარემოებებზე საუბარი და კონკრეტულ გადაწყვეტილების მისაღებად მოტივზე, ჩვენი მხრიდან ვერ გაგესაუბრებით, გამოძიების ინტერესებიდან გამომდინარე. მათმა ნაწილმა ოკუპირებულ ტერიტორიაზე გადასვლა შესაძლებელია მოახდინა, იმ ეტაპამდე, ვიდრე საქმეზე გამოძიება დაიწყებოდა“, - განაცხადა პროკურორმა.

შეგახსენებთ, რომ ბიზნესმენ ამირან დეკანოიძის შვილის გიორგი დეკანოიძის გატაცებაში 5 ბრალდებულს აღკვეთის ღონისძიების სახით პატიმრობა შეეფარდა. მანამდე კი, სამართალდამცავებმა თბილისსა და წყალტუბოში ჩატარებული სპეცოპერაციების შედეგად 10 პირი დააკავეს. ათიდან 3 დაკავებული, მათ შორის, ერთი ქალი, წინასწარი დაკავების იზოლატორიდან გუშინ გაათავისუფლეს. ამ დრომდე უცნობია, წარუდგინეს თუ არა კიდევ ორ პირს ბრალი.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს