საპარლამენტო უმრავლესობის დეპუტატმა ვიქტორ ჯაფარიძემ პროკურატურის შენობა დატოვა.

საგამოძიებო უწყებამ ჯაფარიძე იმ ფარულ ჩანაწერთან დაკავშირებით დაკითხა, რომელშიც ის და მირზა სუბელიანი ფიგურირებენ.

კონკრეტულ კითხვებზე თუ რატომ იმყოფებოდა ის პენიტენციურ დაწესებულებაში, აქვს თუ არა მართლაც სუბელიანს რამე მტკიცებულებები, რომელიც შეიძლება მან ხელისუფლების საწინააღმდეგოდ გამოიყენოს, ჯაფარიძეს ჟურნალისტებისთვის პასუხი არ გაუცია.

შეგახსენებთ, ჩანაწერი გუშინ, ტელეკომპანია „რუსთავი 2“-მა გაავრცელა. ტელეკომპანიის ცნობით, ჩანაწერების მიხედვით, სავარაუდოდ, მირზა სუბელიანი საუბრობს, რომ ის საკუთარი ნებით ჩაჯდა ციხეში და ხელისუფლებას გაურიგდა, მაგრამ უკმაყოფილებას გამოთქვამს მმართველი გუნდის დამოკიდებულებით და ამბობს, რომ ხელისუფლება მის ერთგულებას ჯეროვნად ვერ აფასებს.

აღნიშნულთან დაკავშირებით მთავარმა პროკურატურამ გამოძიება დაიწყო  პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების შესაძლო გადამეტების  ფაქტებზე დაიწყო.

ამასთან დღეს გამართულ ბრიფინგზე პროკურორმა კოკა კაციტაძემ აღნიშნა, რომ პენიტენციური სამსახურის თანამშრომელს, ი.პ.-ს, პატიმარ მირზა სუბელიანის შეხვედრების ფარული ჩანაწერების გავრცელება პირადი ცხოვრების ამსახველი კადრების გასაჯაროების მუქარით მოსთხოვეს.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს