საერთაშორისო კვლევის „ეკონომიკური თავისუფლება მსოფლიოში 2018“ მიხედვით საქართველო იკავებს მე-7 ადგილს 162 ქვეყანას შორის. კვლევა კანადურმა ფრეზერის ინსტიტუტმა მოამზადა ეკონომიკური თავისუფლების მსოფლიო ქსელის წევრი ინსტიტუტების მონაწილეობით.

ეკონომიკის ექსპერტის გიორგი მიქანაძის განცხადებით, წლევანდელ კვლევაში საქართველოს მე-7 პოზიცია მნიშვნელოვანია იმითაც, რომ  ვუსწრებთ  ეკონომიკურად გაცილებით უფრო განვითარებულ ისეთ ქვეყნებს, როგორიცაა გერმანია ან საფრანგეთი. 

გიორგი მიქანაძის შეფასებით, ინვესტორებთან ურთიერთობისას მთავარი ფაქტორია  მაკროეკონომიკური მაჩვენებლები და აგრეთვე ის, თუ როგორ პოზიციონირებს ქვეყანა სხვადასხვა რეიტინგებში, რადგან თუ პოტენციური ინვესტორები გადაწყვეტენ ქვეყანაში ჩამოსვლას და ინვესტიციის განხორციელებას, სწორედ მსგავსი მაჩვენებლებით იხელმძღვანელებენ, ღირს თუ არა ამა თუ იმ ქვეყანაში შესვლა.

„ეკონომიკური პოლიტიკის ნაწილია, რომ აღნიშნული პოტენციალის კარგად გამოყენება მოხდეს - აღნიშნული ინფორმაცია მიეწოდოს როგორც პოტენციურ ინვესტორებს, ასევე მათ, ვინც უკვე ქვეყანაში არიან და ბიზნესს აწარმოებენ, მათაც კარგად უნდა გამოიყენონ აღნიშნული შესაძლებლობა,“ - განაცხადა ეკონომიკის ექსპერტმა გიორგი მიქანაძემ. 

Fraser Institute-ის რეიტინგი „მსოფლიო ეკონომიკური თავისუფლება“ ქვეყნებს ხუთი ძირითადი მიმართულებით აფასებს - მთავრობის ზომა, საკანონმდებლო სისტემისა და საკუთრების უფლებების დაცვა, მყარი ვალუტა, საერთაშორისო ვაჭრობის თავისუფლება და რეგულაცია. აღნიშნული ინდიკატორები, თავის მხრივ, მოიცავს 23 კომპონენტს, ხოლო კომპონენტები კი აერთიანებს ქვე-კომპონენტებს. სულ, რეიტინგი მოიცავს 42 განსხვავებულ ცვლადს. თითოეული ცვლადის შეფასება ხდება 0-დან 10 ქულამდე.

საქართველომ, წინა წელთან შედარებით, 2 ინდიკატორში „მყარი ვალუტა“ (გაუმჯობესდა 0,23 ქულით და 9,22 ქულა შეადგინა) და „რეგულაცია“ (გაუმჯობესდა 0,45 ქულით და 8,49 ქულა შეადგინა) მდგომარეობა მნიშვნელოვნად გაიუმჯობესა, რამაც ქვეყნის საერთო რეიტინგზე დადებითი გავლენა იქონია.

ავტორი: ,

სოციალური ქსელები

გერმანია გეგმავს რუსეთის დადანაშაულებას ლაიფციგში ტერორისტული თავდასხმის დაგეგმვაში და „ფართომასშტაბიანი სანქციების“ დაწესებას

ოკუპირებულ აფხაზეთში, რიწის ტბის მიმდებარე ტერიტორიაზე რუსი ტურისტების ჯგუფს სცემეს

კიევის ბუჩას რაიონში რუსული თავდასხმის შედეგად 37 ადამიანი დაიღუპა.

გეგელია: ათობით ათასი რუსი მიაწყდა ლარსის გამშვებ პუნქტს, საქართველოში ეძებენ ნავსაყუდელს