„მოვდივარ ჩემი ქართული ენით, რომელიც ზოგისთვის თურმე დასაწუნია... მე კიდევაც დავბრუნდი და ხვალ კიდევაც პრეზიდენტი ვიქნები“, - ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა ქუთაისში, ამომრჩეველთან შეხვედრაზე განაცხადა.

მან საზღვარგარეთ მყოფ ახალგაზრდებს მიმართა და მოუწოდა, ქართული ენა არ დაივიწყონ.

„მოვდივარ თქვენს წინაშე ისეთი როგორიც ვარ. მე არაფერს სხვანაირს არ ვთამაშობ. მე მოვდივარ ჩემი წარსულით, ჩემი მტკიცე პრინციპებით, ზოგჯერ ვიღაცეები ფიქრობენ, ცოტა ნამეტანად მტკიცე, ჩემი ხასიათით ვის მოწონს და ვის არა, ჩემი შეცდომებით თუ წარმატებებით და ჩემი გავლილი გზით. მოვდივარ, ასევე ჩემი ქართული ენით, რომელიც ზოგისთვის თურმე დასაწუნი არის, რასაც არ აქვს ძალიან დიდი მნიშვნელობა. ცხადია მე არ გამივლია სკოლა, უნივერსიტეტი და მთელი ეს საფეხურები საქართველოში და  როგორიც არის ისეთი არის, თუმცა მე ჩემს  თავზე ძალიან ბევრი ვიმუშავე. მე მინდა აქედან მივმართო იმ ახალგაზრდებს, რომლებიც დღეს არიან საზღვარგარეთ. თქვენ ისწავლეთ ქართული არ დაივიწყოთ და  როგორი ქართულითაც დაბრუნდებით, დაბრუნდით. იმიტომ, რომ ჩემი მაგალითი სწორედ ეს არის, რომ მე კიდევაც დავბრუნდი და  ხვალ კიდევაც პრეზიდენტი ვიქნები“, -განაცხადა სალომე ზურაბიშვილმა.

ავტორი: ,

სოციალური ქსელები

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?

ივანიშვილის რეჟიმი ხალხს წყლის და გაზის გადასახდელებს უმატებს

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ