გარემოს დაცვის მსოფლიო დღესთან დაკავშირებით ლაგოდეხის დაცულ ტერიტორიაზე ელექტრონული და ბეჭდური მედიის წარმომადგენლებისთვის საინფორმაციო ტური გაიმართა. ჟურნალისტებმა ლაგოდეხის ნაკრძალის ინფრასტრუქტურა ადგილზე დაათვალიერეს და უნიკალურ საგანძურს გაეცნენ. ტურის ფარგლებში მედიის წარმომადგენლებმა ნაკრძალს ვერტმფრენით გადაუფრინეს. ასევე „როჭოს ჩანჩექის ბილიკზე“ საცხენოსო ტური მოეწყო, ასევე საფეხმავლო ტური. დღის ბოლოს მედიის წარმომადგენლები ჩურჩხელების ამოვლებისა და პურის გამოცხობის პროცესში ჩაერთნენ. საღამო მუსიკალურად ადგილობრივმა ფოლკლორულმა გუნდმა გააფორმა. როგორც გარემოს დაცვის მინისტრმა გიგლა აგულაშვილმა განაცხადა, მათ დაგეგმილი აქვთ ჟურნალისტებთან და ბლოგერებთან ერთად მოიარონ დაცული ტერიტორიები. მინისტრმა სამომავლო გეგმებზეც ისაუბრა. „გვექნება რამდენიმე ინიციატივა. მალე მოვახდენთ მობილური აპლიკაციის დემონსტრირებას. მისი ერთი კომპონენტი იქნება მაგალითად, დაცული ტერიტორიების ბილიკებზე ადვილად გაგნება. გვქონდა საუბარი დაგროვების სისტემაზე, მაგალითად ლაგოდეხში ოთხი ბილიკია და კიდევ არის განვითარების პერსპექტივა, დავუშვათ, ვინც ოთხივე ბილიკს და დაცულ ტერიტორიებს მოივლის, გვინდა რომ წამახალისებელი აქციებიც გვქონდეს ასეთი ადამიანების მიმართ. ერთ-ერთი წამახალისებელი იქნება ასევე მარკირება. ყველაზე ეს პროექტები პარალელურად ხელს უწყობს ადგილობრივი ინფრასტრუქტურის განვითარებას“, - განაცხადა გიგლა აგულაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ