სასჯელაღსრულებისა და პრობაციის მინისტრის პირველმა მოადგილემ კახა კახიშვილმა ივანე ჯავახიშვილის სახელობის სახელმწიფო უნივერსიტეტში სტუდენტებისთვის ლექცია წაიკითხა.

კახა კახიშვილი სტუდენტებს  სამინისტროში განხორციელებულ სისტემურ რეფორმებსა და იმ რეგულაციების შესახებ ესაუბრა, რომელიც სასჯელაღსრულების სისტემაში დაინერგა, მათ შორის ჯანდაცვისა და მენეჯმენტის კუთხით. 

მინისტრის პირველმა მოადგილემ სტუდენტებთან შეხვედრისას აღნიშნა, რომ სასჯელაღსრულების სისტემა საკმაოდ რთულია. იქ მუშაობა შესაბამის უნარებს  და ცოდნის მუდმივ განახლებას მოითხოვს.

კახიშვილის თქმით, სისტემაში დასაქმებისთვის უცილებელი პირობა კონკურისის გავლა, სავალდებულო სწავლება და  გამოცდის ჩაბარებაა.

„რეფორმის ფარგლებში სასჯელაღსრულების სისტემაში სამსახურში მიღების ახალი წესი ინერგება და მომავალ იურისტებს შევთავაზე, ამ წესების გავლით მოხვდნენ ჩვენთან, რათა მაქიმალურად გავაახალგაზრდავოთ და  გავაკეთილშობილოთ სასჯელაღსრულების სისტემა“, - აღნიშნა კახა კახიშვილმა.  

ლექციის შემდგომ სტუდენტებთან შეხვედრა კითხვა-პასუხის რეჟიმში წარიმართა. მომავალმა იურისტებმა დიდი ინტერესი გამოიჩინეს პენიტენციური სისტემის მიმდინარე და სამომავლო რეფორმებისადმი.  

კახა კახიშვილის შეხვედრა სტუდენტებთან თბილისის სახელმწიფო უნივერსიტეტის სტუდენტური თვითმმართველობის განათლებისა და მეცნიერების დეპარტამენტის ორგანიზებით განხორციელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ