|
2015-06-04 16:14:26, 317 ნახვა
პოლიტიკა
პრემიერი და თავდაცვის მინისტრი „დელტას“ ესტუმრნენ
საქართველოს პრემიერ-მინისტრი ირაკლი ღარიბაშვილი თავდაცვის სამინისტროს სსიპ სახელმწიფო სამხედრო სამეცნიერო-ტექნიკურ ცენტრ „დელტას“ ესტუმრა. თავდაცვის სამინისტროს ინფორმაციით, სტუმრებმა სამხედრო სამეცნიერო-ტექნიკური ცენტრის დათვალიერება მე-8 საამქროთი დაიწყეს და „დელტას“ პროდუქციის შემადგენელი ნაწილების ჩამოსხმის, გამოჩარხვისა და დამზადების პროცესს დაესწრნენ. მოგვიანებით, „დელტას“ სტუმრებმა სეტყვის საწინააღმდეგო მართვის ცენტრში გადაინაცვლეს და მუშაობის პროცესს ადგილზე გაეცნენ. ცენტრის მეცნიერები კახეთის რეგიონში, სოფელ ნუკრიანში, ჭოტორის მთაზე განთავსებული რადარებიდან შემოსულ ინფორმაციას კლიმატური ცვლილებების შესახებ კომპიუტერების ეკრანებზე აკვირდებიან. მართვის ცენტრიდანვე ხდება კახეთის რეგიონში განთავსებული 84 საცეცხლე წერტილის მართვა. პრემიერმა და თავდაცვის მინისტრმა სტუმრობა „დელტას“ მიერ უახლესი პროდუქციის დათვალიერებით დაასრულეს. წელს „დელტამ“ სამხედრო ტექნიკისა და შეიარაღების 15 ახალი პროდუქცია წარმოადგინა - მრავალფუნქციური უპილოტო ვერტმფრენი, სამედიცინო-საევაკუაციო ჯავშანმანქანა, უდაბნოს პირობებისთვის ადაპტირებული ჯავშანმანქანა, სეტყვის საწინააღმდეგო სარაკეტო დანადგარები და სხვა თავდაცვითი საშუალებები. პრემიერ-მინისტრს თავდაცვის უწყების ხელმძღვანელმა თინათინ ხიდაშელმა და „დელტას“ უფროსმა უჩა ძოძუაშვილმა უმასპინძლეს. „დელტაში“ ასევე იმყოფებოდნენ ვიცე–პრემიერი, ენერგეტიკის მინისტრი კახა კალაძე, სოფლის მეურნეობის მინისტრი ოთარ დანელია, სასჯელაღსრულების და პრობაციის მინისტრი გიორგი მღებრიშვილი და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)