მყინვარ დევდორაკზე და მდინარე ამალის  ხეობაში დღეიდან სპეციალისტები მონიტორინგს განახორციელებენ.

ამის შესახებ გარემოსა და ბუნებრივი რესურსების დაცვის სამინისტროს განცხადებაშია აღნიშნული.

როგორც უწყებაში აცხადებენ, სპეციალისტები მონიტორინგს სტიქიური მოვლენების შესაძლო გააქტიურების შემთხვევაში, ადრეული შეტყობინების მიზნით განახორციელებენ.

 „სსიპ - გარემოს ეროვნული  სააგენტოს სპეციალისტების ჯგუფმა, სასაზღვრო პოლიციის დახმარებით,  მთა-მყინვარწვერის  ჩრდილო-აღმოსავლეთ კალთაზე,  საცხოვრებელი ვაგონი (ეგრეთწოდებული „კუნგი“)  განათავსეს.   მონიტორინგი განხორციელდება  იმ დრომდე, სანამ არ დამონტაჟდება ავტომატიზირებული ადრეული  შეტყობინების სისტემა.

მონიტორინგი მინიმუმამდე დაიყვანს სამხედრო გზაზე მოძრავი, როგორც ადგილობრივი, ისე ტრანზიტული ავტოსატრანსპორტო საშუალებების მძღოლებისა და  ლარსის სასაზღვრო გამშვებ პუნქტზე მოსახლეობის უსაფრთხო გადაადგილებას.

ამასთან, დღესვე დაგეგმილი იყო სსიპ - გარემოს ეროვნული სააგენტოს სპეციალისტების პირიქითა ხევსურეთში ჩასვლა, თუმცა რთული მეტეოროლოგიური პირობების გამო ჯგუფმა სტიქიის ზონამდე ვერ შეძლო მისვლა“, - ნათქვამია გარემოს დაცვის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ