ბინათმესაკუთრეთა ამხანაგობების დაფინანსების ახალი წესის თანახმად, ჩუღურეთის რაიონში, სხვადასხვა სახის სამუშაოები 36 მისამართზე მიმდინარეობს. პროგრამის ფარგლებში, შენობა-ნაგებობების გამაგრება, წყლისა და წყალარინების ქსელის რეაბილიტაცია, სახურავების შეცვლა, სადარბაზოების განახლება და სხვა სახის სამუშაოები ხორციელდება, - ამის შესახებ „ექსპრესნიუსს“ თბილისის მერიიდან აცნობეს.

 მათივე ცნობით, თანადაფინანსებული პროექტების ფარგლებში, სამუშაოების წარმოება 40 ობიექტზე უკვე დასრულდა, უახლოეს მომავალში კი, სამუშაოების დაწყება 47 მისამართზე იგეგმება.

მიმდინარე სამუშაოებისთვის ჩუღურეთის რაიონის გამგეობის მიერ 688 743 ლარია გამოყოფილი. წლის ბოლომდე კი, სხვადასხვა პროექტის განსახორციელებლად, დამატებით, ორ მილიონ ლარამდეა გათვალისწინებული.

ბინათმესაკუთრეთა ამხანაგობების დაფინანსების ახალი წესის თანახმად, გამგეობა ამხანაგობებს ინფრასტრუქტურულ სამუშაოებს სრულად, 100%-ით დაუფინანსებს. თავად ამხანაგობა კი ვალდებულია, სამუშაოების ღირებულების არანაკლებ 10%-ის ოდენობის თანხა ანგარიშზე განათავსოს და საერთო ქონების მოვლა-პატრონობას მოახმაროს.

თანადაფინანსების ახალი წესი მოსახლეობას საშუალებას აძლევს, გამგეობის დახმარებით,  ისეთი სამუშაოები აწარმოოს, რომლის შესრულება საკუთარი ფინანსებით რთული იქნებოდა.

ავტორი: ,

სოციალური ქსელები

რუსებში ახალი მობილიზაციის შიშმა სამწლიან მაქსიმუმს მიაღწია - ლევადა ცენტრი

ორშაბათიდან ვერ შეგიშვებთო - ვეკუას სკოლის მოსწავლეების მშობლებმა აქცია გამართეს

კობახიძე - ჩინეთთან ურთიერთობას აქვს განსაკუთრებული მნიშვნელობა, ვხედავთ განსაკუთრებულ ღირებულებით კავშირს

ჩინეთის ვიცე-პრეზიდენტი ხან ჭენგი - ურთიერთობები სულ უფრო ძლიერდება და ჩვენი სურვილია, კიდევ უფრო განვითარდეს