ხორავას ქუჩაზე მომხდარი მკვლელობის საქმეზე შექმნილი პარლამენტის საგამოძიებო კომისია დღეს ერთ-ერთი მსჯავრდებულის ბიძას, ვანო ნაკაიძეს გამოკითხავს. 
ნაკაიძე საზღვარგარეთ ცხოვრობს და დახურულ ფორმატში, „სკაიპით“ მოუსმენენ.
საგამოძიებო კომისიის წევრის, ირაკლი აბესაძის განცხადებით, ნაკაიძეს მისი დისშვილისგან შესაძლოა ჰქონდეს ინფორმაცია, როგორც ხორავას ქუჩაზე მომხდარი დანაშაულის შესახებ, ასევე შემდგომში განვითარებული მოვლენების თაობაზე.
„მნიშვნელოვანია კომისიას გამოკითხული ჰყავდეს საქმეში ფიგურანტი ყველა ადამიანი, ვისაც შესაძლოა ინფორმაცია ჰქონდეს, როგორც მომხდარი დანაშაულის შესახებ, ასევე შემდგომ განვითარებული მოვლენების თაობაზე. პარალელურ რეჟიმში კომისია ინტენსიურად მუშაობს საბოლოო დასკვის შემუშავებაზე. საბოლოო დასკვნაში ყველა ის ხარვეზი და ჩავარდნა აისახება, რაც პროკურატურასა და შინაგან საქმეთა სამინისტროს ჰქონდა, გამოიკვეთება პასუხისმგებელი პირები და გაიცემა შესაბამისი რეკომენდაციები, თუ რა პასუხისმგებლობის საკითხი უნდა დადგეს მომხდართან დაკავშირებით და როგორ უნდა იმოქმედოს მომავალში პროკურატურამ და შინაგან საქმეთა სამინისტრომ“, - განაცხადა ირაკლი აბესაძემ

ავტორი: ,

სოციალური ქსელები

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს

ჩქაროსნული მატარებლების ავარიის გამო, ესპანეთში სამდღიანი გლოვა გამოცხადდა

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები