თბილისის მერის დავით ნარმანიას ინფორმაციით, სტიქიას თბილისისთვის დიდი ზარალი არ მიუყენებია.

ამის შესახებ ნარმანიამ მერიაში გამართულ საგანგებო თათბირზე განაცხადა.

დედაქალაქის მერმა მთავრობის წევრებს სტიქიის შედეგად მიყენებული ზიანის აღმოსაფხვრელად მითითებები მისცა.

„ამინდი უკვე გამოკეთდა და ყველა არსებულ დაზიანებაზე, ყველა არსებულ პრობლემაზე დღეიდან უნდა ვიზრუნოთ. ვავალებ ზედამხედველობის სამსახურს, რაიონების გამგეობებთან ერთად, შესაბამისი სამსახურების მეშვეობით მიხედონ ამ საკითხებს. ძალიან დიდი ზიანი არ არის, თუმცა ზიანი არის და ვფიქრობ, რომ ეს ზიანი მეტნაკლებად ფინანსურ მაჩვენებლებშიც უნდა ავსახოთ, დავითვალოთ, რათა შემდეგ უკვე შესაბამისად გავანაწილოთ. კეთილმოწყობის სამსახურს ევალება, რომ სანიაღვრე ქსელები და დაზიანებული გზის მონაკვეთები, ასევე ქვაფენილები, რომელიც ძლიერი წვიმის გამო დაზიანდა სწრაფ რეჟიმში აღვადგინოთ“, - განაცხადა ნარმანიამ.

ამასთან, მერმა თბილისის რაიონების გამგებლებსა და საქალაქო სამსახურის ხელმძღვანელებს სთხოვა, სტიქიის შედეგად მიყენებული ზარალის შესახებ ინფორმაცია ეტაპობრივად მიაწოდონ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ