სტიქიის შედეგად თამაზ ელიზბარაშვილის ძაღლების თავშესაფარი დაიტბორა

2015-06-04 10:35:27, 459 ნახვა

საზოგადოება

თბილისში, თამაზ ელიზბარაშვილის ძაღლების თავშესაფარში გაწმენდითი სამუშაოები მიმდინარეობს.

ძლიერი წვიმის შედეგად, გვიან ღამით, ადიდებული მდინარე ვერე ჯებირებიდან გადმოვიდა და თავშესაფარი დატბორა. არსებული ინფორმაციით, შემთხვევის შედეგად 12 ძაღლი დაიხრჩო.

ამასთან, დატბორილია თავშესაფრის სამი ავტომობილი, დაზიანდა ძაღლების ადგილსამყოფელიც.

მომხდართან დაკავშირებით თავშესაფრის ადმინისტრაციამ Facebook-ის გვერდზე განცხადება გაავრცელა: „ჩვენთვის ეს დილა არ შეიქნა მშვიდობიანი!
გვიან ღამით, ადიდებული მდინარე ვერე ჯებირებიდან გადმოვიდა და დატბორა თავშესაფარი.
საფრთხე შეუქმნა ჩვენი ბინადრების სიცოცხლეს. სამწუხაროდ, ყველა ბინადარის გადარჩენა ვერ შევძელით...
ახლა, როგორც არასდროს, ისე გვჭირდება თქვენი თანადგომა!
აღარ გეპატიჟებით, ვიცი რომ მოხვალთ!
ვაკე–საბურთალოს გზაზე, გივი სვანიძის 30 ნომერში!“.