აჭარის მთავრობის თავმჯდომარემ არჩილ ხაბაძემ  ბათუმის საერთაშორისო აეროპორტში   სპეც-თვითმფრინავი მოინახულა, რომელშიც LEIKA- ს სისტემის  DSM-2 ტიპის ციფრული აპარატურაა დამონტაჟებული.  

აჭარის მთავრობის პრესსამსახურის ინფორმაციით, BESH-CRAFT 200 ტიპის საფრენი აპარატის მეშვეობით  აჭარის ტყეების აერო-ფოტო გადაღება განხორციელდება და რეგიონში ტყის ფონდის ინვენტარიზაცია მოხდება.   ეს კი ხელს შეუწყობს ტყეების მდგრად მართვას, რაც ითვალისწინებს ადგილობრივი მოსახლეობის ტყით სარგებლობის ხელშეწყობას, ტყის  ხარისხობრივი და რაოდენობრივი თვისებების გაუმჯობესებას.

აჭარის გარემოსა და ბუნებრივი რესურსების დაცვის სამმართველოს სატყეო  სააგენტოს ექნება ტყის მართვის სახელმძღვანელო გეგმა, რომლის საფუძველზეც მოსახლეობის სოციალური ჭრების განსახორციელებლად და ტყის მოვლა-აღდგენის დასაგეგმად ყოვეწლიური სამოქმედო გეგმა  შედგება.

მონაცემებზე დაყრდნობით მომდევნო 10 წლის განმავლობაში ტყეების მდგრადი მართვისათვის გატარდება ღონისძიებები.  ტყის ინვენტარიზაციის სრულფასოვნად და კვალიფიციურად განხორციელებისთვის გამოყენებული იქნება 2015 წლის სტერეო აერო/კოსმოსური სურათები.

ტყეთმოწყობის სამუშაოები სრულყოფილად უნდა დასრულდეს 2016 წლის 20 დეკემბრისთვის, რომელიც რამდენიმე ეტაპად არის დაყოფილი. პარალელურად დაიწყო უშუალოდ ტყეების ინვენტარიზაციის საველე  სამუშაოები.  სატყეო სააგენტოს მიმდინარე წლისათვის დაგეგმილი აქვს 25 კმ. სატყეო სამეურნეო გზების მშენებლობა, რომლის დანიშნულებაა მოსახლეობის მიერ სოციალური მოხმარებისათვის გამოყოფილი ტყეკაფების (სამასალე და საშეშე ხე-ტყის) შეუფერხებლად ათვისების ხელშეწყობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ