საქართველოს ეროვნული არქივის კვირის დოკუმენტია ფოტო დადეშქელიანების სახლისა, რომელიც აშენებულია XIX საუკუნის მიწურულს დადეშქელიანების სამთავრო რეზიდენციასთან ახლოს.

„ერთი ახალი ხის სახლი და დადეშქელიანებისა ... ბალკონის ქვეშ მოსჩანს სპილენძის ქვაბები, რომლებიც მიწიდან ამოუღიათ გათხრის დროს და რომელნიც კუბოს მაგიერ ყოფილან ნახმარნი ... ძველ შენობებში დადიშკელიანებისა განსაკუთრებულ ყურადღებას იქცევს ხის ბეღელი, სულ მოხარატებული და შემკობილი საუცხოო ჩუქურთმებით ... დადიშკელიანების ეზოს ამშვენებს შტოებგაშლილი დიდი ჭადარი, რომლის ქვეშ იკრიბებიან როგორც ოჯახობა დადიშკელიანთ, ისე სოფლელები, აქ არის სჯა-ბაასი საზოგადო საქმეებზე, სასამართლო, ფიცი, პირობების დადება თუ სხვა თათბირი“ - ექვთიმე თაყაიშვილი, არქეოლოგიური ექსპედიცია ლეჩხუმ-სვანეთში 1910 წელს, პარიზი, 1937.

ამ სახლში არსებული ტრადიციით დადეშქელიანებთან მოსული ყველა სტუმარი საკუთარ ხელრთვას - ავტოგრაფს ტოვებდა სახლის კედლებზე.

სამწუხაროდ, სახლი ამჟამად აღარ არსებობს, 1917 წელს დაინგრა.

ფოტოს ნახვა შესაძლებელია ეროვნული არქივის ვებგვერდზე: http://archives.gov.ge/ge/kviris-dokumenti, ასევე, ეროვნული არქივის გვერდზე: https://www.facebook.com/NationalArchivesofGeorgia.

„კვირის დოკუმენტი“ ეროვნული არქივის პროექტია, რაც მიზნად ისახავს არქივში დაცული უნიკალური და მრავალფეროვანი მასალის შესახებ საზოგადოების ინფორმირებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო