„საქართველოს თავდაცვა ტოტალური თავდაცვის პრინციპს ეფუძნება“,  - ამის შესახებ საქართველოს თავდაცვის მინისტრობის კანდიდატმა ლევან იზორიამ ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების, იურიდიულ საკითხთა და საპროცედურო საკითხთა და წესების კომიტეტების გაერთიანებულ სხდომაზე განაცხადა.

ლევან იზორიამ აღნიშნა, რომ თავდაცვის ეროვნული გეგმის თანახმად, ქვეყნის თავდაცვა ეფუძნება ტოტალური თავდაცვის პრინციპს, რომელიც ყველა ეროვნული რესურსის გამოყენებას გულისხმობს.

მან ამ კონტექსტით სამხედრო და სამოქალაქო უწყებათშორისი თანამშრომლობის აუცილებლობის შესახებ ისაუბრა. თავდაცვის მინისტრობის კანდიდატმა ყურადღება ტოტალური თავდაცვის  სამხედრო კოპონენტზე გაამახვილა. მისი განცხადებით, სამხედრო კომპონენტის სამი ძირითადი მიმართულება - პროფესიული ჯარი, წვევამდელთა სისტემა და აქტიური რეზერვის სისტემა მომავალში საქართველოს შეიარაღებული ძალების ძირითადი ელემენტი იქნება.

„ახალი მიდგომების ფარგლებში წვევამდელთა მდგომარეობა მნიშვნელოვნად არის გაუმჯობესებული, რაც მათ სახელფასო უზრუნველყოფაშიც აისახა. ისინი მეტად ინტეგრირებული არიან შეიარაღებულ ძალებში, საწყის საბრძოლო მომზადებას სხვა რეკრუტებთან ერთად გადიან. ყველაფერს გავაკეთებთ იმისათვის, რომ  წვევამდელებს უკეთესი პირობები შევუქმნათ. რაც შეეხება რეზერვის მიმართულებას, აქტიური რეზერვის კონცეფცია ოქტომბერში ამოქმედდება. ეს იქნება ნებაყოფლობითი და ანაზღაურებადი.  საპილოტე პროექტის ფარგლებში, 377 რეზერვისტს  საშუალებას მივცემთ, ქვეყანას საკონტრაქტო წესით 5 წლის განმავლობაში ემსახუროს“, - განაცხადა ლევან იზორიამ.

თავდაცვის მინისტრობის კანდიდატმა საკონტრაქტო სამხედრო სამსახურის შესახებაც ისაუბრა. მისი განმარტებით, საბრძოლო მოქმედებების წარმოების დროს ახალი ტაქტიკა არა მხოლოდ კონვენციურ, არამედ არაკონვენციურ საფრთხეებზეც იქნება ორიენტირებული. მან ჰიბრიდული საფრთხეებზე გაამახვილა ყურადღება და აღნიშნა, რომ ქვეყანამ ტოტალური თავდაცვით  უნდა უზრუნველყოს მდგრადობის ისეთი დონე, რომ შეძლოს საფრთხის პრევენცია, საფრთხის დადგომის შემთხვევაში კი, მისი დროული აღმოფხვრა.

კომიტეტების გაერთიანებულ სხდომაზე მთავრობის შემადგენლობისა და სამთავრობო პროგრამისთვის ნდობის გამოცხადების საკითხი განიხილება. 

(NS)

ავტორი: ,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ