„წელს ვიწყებთ აქტიური რეზერვის იმპლემენტაციას, რომელიც პრაქტიკულად უზრუნველყოფს გრძელვადიან პერსპექტივაში საზოგადოების ფართო ჩართულობას“, - ეს განცხადება საქართველოს თავდაცვის მინიტრის მოვალეობის შემსრულებელმა  პარლამენტში, გაერთიანებული კომიტეტების სხდომაზე გააკეთა.

ლევან იზორიამ ტოტალური თავდაცვის კონცეფციის მნიშვნელობაზე ისაუბრა  და აღნიშნა, რომ ტოტალური თავდაცვა ქვეყნის თავდაცვისუნარიანობის გაზრდის პროცესში, სამხედრო  კომპონენტთან ერთად, საზოგადოების მეტ ჩართულობას მოიცავს. 

„ჩვენ განსაკუთრებით ხაზს ვუსვამთ ტოტალური თავდაცვის კონცეფციის განხორციელების მნიშვნელობას, რაც ჩვენი სტრატეგიის   ერთ-ერთი ამოსავალი პრინციპია. ის მოიცავს არა მხოლოდ სამხედრო კომპონენტს, არამედ სხვა კომპონენტებსაც, როგორიც არის საზოგადოების მეტი ჩართულობა, სამოქალაქო თავდაცვის მეტი კომპონენტი. ჩვენ წელს, პარლამენტის ძალიან პრინციპული მხარდაჭერით, ვიწყებთ აქტიური რეზერვის იმპლემენტაციას, რომელიც პრაქტიკულად უზრუნველყოფს გრძელვადიან პერსპექტივაში საზოგადოების ფართო ჩართულობას. სწორედ ამ მიზანს ემსახურებოდა ჩვენი ინიციატივა, რომელიც სკოლებში საინფორმაციო კამპანიის გააქტიურებას გულისხმობს.  ვგეგმავთ შემოვიღოთ  არჩევითი საგანი, რომლის საშუალებითაც  მოზარდებს ექნებათ მეტი შესაძლებლობა დაეუფლონ ცოდნას პრაქტიკულ უნარებს სამოქალაქო და სამხედრო თავდაცვის ამოცანებთან დაკავშირებით. ამ თვალსაზრისით ძალიან აქტიურად ვთანამშრომლობთ განათლების სამინისტროსათან“, - განაცხადა თავდაცვის მინისტრის მოვალეობის შემსრულებელმა.

კომიტეტების გაერთიანებულ სხდომაზე სიტყვით გამოსვლის დასასრულს ლევან იზორიამ თავდაცვის კოდექსის პროექტის შემუშავებაზეც გააკეთა აქცენტი, რომელიც  საქართველოს ისტორიაში პირველად მუშავდება თავდაცვისა და უშიშროების კომიტეტთან ერთად. მან პროექტის შემუშავებაში აქტიური ჩართულობისთვის კომიტეტის ყველა წევრს მადლობა გადაუხადა.

(NS)

ავტორი: ,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ