საფრანგეთის პრეზიდენტის ემანუელ მაკრონის და კანადის პრემიერ-მინისტრის ჯასტინ ტრუდოს განცხადებით, "დიდი შვიდეულის" სამიტის დასრულების შემდეგ უნდა გამართულიყო წვეულება, რომელზეც მათ ამერიკის ლიდერის დონალდ ტრამპის დაპატიჟება არ სურდათ.

ინფორმაციას Newyorker ავრცელებს. 

როგორც ლიდერებმა განმარტეს, მათ გაუხარდათ, რომ ტრამპმა სამიტი დროზე ადრე დატოვა. მათივე თქმით, ისინი გეგმავდნენ, რომ წვეულების ადგილი დონალდ ტრამპისთვის არ ეთქვათ.

ტრუდომ და მაკრონმა აღნიშნეს, რომ ეს სამიტის მონაწილეების სრული შეთანხმებით გადაწყდა.

"გეგმა გვქონდა ასეთი...თუ ტრამპი იკითხავდა წვეულების შესახებ ჩვენ ვეტყოდით, რომ აღნიშნული ინფორმაცია ანგელა მერკელთან გაერკვია. მერკელი კი, თავის მხრივ მას მოატყუებდა", - განაცხადა საფრანგეთის პრეზიდენტმა.

აღნიშნული ინფორმაცია თავად გერმანიის კანცლერმაც დაადასტურა:

"თუ ტრამპი მოვიდოდა ჩემთან და დაინტერესდებოდა წვეულებით, ვიტყოდი, რომ არაფერი ვიცი და არაფერი მსმენია წვეულების შესახებ", - დასძინა ანგელა მერკელმა.

კანადის პრემიერის თქმით, წვეულება მაინც გაიმართება, შაბათს, როდესაც "დიდი შვიდეულის" სამიტი დასრულდება.

"ახლა, როდესაც ტრამპი წასულია, ჩვენ ეს უნდა აღვნიშნოთ", - აღნიშნა ტრუდომ.  

ავტორი: ,

სოციალური ქსელები

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს