ზვიად დევდარიანი, პატივისა და ღირსების შელახვისთვის სასამართლოს მიმართავს და იმ ქალებს უჩივის, ვინც ის სექსუალურ შევიწროებაში დაადანაშაულა. 

ზვიად დევდარიანის ადვოკატის დიმიტრი გაბუნიას განცხადებით, მისი დაცვის ქვეშ მყოფის წინააღმდეგ მიზანმიმართული კამპანია განხორციელდა.

როგორც ადვოკატმა აღნიშნა, ორ დღეში დაასახელებს იმ კონკრეტულ პირებს, ვინც ამ კამპანიის დაგეგმაში მონაწილეობდა.

გაბუნიას ინფორმაციით, სარჩელი დაახლოებით 8 პირის წინააღმდეგაა მიმართული. 

სიდა-ს ყოფილი აღმასრულებელი დირექტორი, ზვიად დევდარიანი   შინაგან საქმეთა სამინისტროსაც მიმართავს და მოითხოვს ადევნების მუხლით დაწყებული გამოძიება შეწყდეს. 

„დაახლოებით რვა პირი იქნება. ამ ეტაპზე ძალიან მინდა, რომ დავასახელო ეს პირები. მე შემიძლია დავაანონსო საკმაოდ სკანდალური პროცესი. ისინი არ არიან რიგითი პირები. ერთი რამ შემიძლია ვთქვა, რომ ისინი არიან იმ ჯგუფის წევრები ვინც დაგეგმა საზმაუს ბორდში თავისი კანდიდატურის გაყვანა,“-განაცხადა დიმიტრი გაბუნიამ.

ჟურნალისტების კითხვაზე არიან თუ არა ამ პირებში ნინია კაკაბაძე ან ბაია პატარაია, გაბუნიამ განაცხადა, რომ არ გამორიცხავს. 

ზვიად დევდარიანი ამბობს, რომ ის დეტალურად გაეცნო იმ საჩივარს, რომლითაც მის წინააღმდეგ დაიწყო გამოძიება. მისი თქმით ის არაფერია თუ არა ჭორაობა.

„ის რაც ჩვენ აქ ვნახეთ, უფროს სწორედ სამი საჩივარი რომელიც გადმოგვეცა ორი კვირის წინ რეალურად არის ჭორაობა ორ გვერდზე. რაზეც თითოეულზე, ამ ორ გვერდიან საჩივარზე დაახლოებით 15 გვერდიანი პასუხი გავეცი. ანუ  ყველა სიტყვას, ყველა წინადადებას და ყველა აბზაცს გაეცა ჩემი მხრიდან ამომწურავი პასუხი,“-განაცხადა ზვიად დევდარიანმა. 

ავტორი: ,

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია