|
2018-05-18 11:23:46, 534 ნახვა
რეგიონი
აჭარა თავისი მრავალფეროვნებით უკვე დოიჩე ველეს ეთერშია
BBC-სა და ევრონიუსის შემდეგ, აჭარის რეკლამა წელს პირველად ტელეკომპანია Deutsche Welle-ს ეთერით გადაიცემა. მსოფლიოს გარშემო, 195 ქვეყნის მილიონობით მაყურებელი საქართველოს, კერძოდ კი აჭარის საზღვაო და სამთო ტურისტულ პროდუქტებს ეცნობიან. გარდა აჭარის სატელევიზიო რეკლამისა, 2 ივნისიდან 9 ივნისამდე დოიჩე ველეს სატელევიზიო, სამოგზაურო ჟურნალი „Check-in Meet a local” მაყურებლებს აჭარაში ამოგზაურებს. გადაცემის ჟურნალისტმა ელიზაბეტ კოეტერმა ბათუმელ კოკა მეგრელიძესთან ერთად ბათუმში, ბოტანიკურ ბაღში, ქედის ვენახებში იმოგზაურა. მის ობიექტივში ასევე მოხვდა აჭარული ხაჭაპურის მასტერკლასი და ქართული ფოლკლორი. როგორც აჭარის ტურიზმის დეპარტამენტის თავმჯდომარემ სულხან ღლონტმა განაცხადა, გერმანია და დიდი ბრიტანეთი რეგიონისთვის ახალი ბაზრებია და ამიტომ აუცილებელია მეტი ინფორმაცია ჰქონდეს პოტენციურ ტურისტებს. „მაისიდან დავიწყეთ ჩვენ თანამშრომლობა დოიჩე ველესთან, რაც ნიშნავს რომ ტელეკომპანიის მილიონობით მაყურებელი ეცნობა ჩვენს ქვეყანასა და რეგიონს. მნიშვნელოვანია ის, რომ დოიჩე ველეს, აქტიურად უყურებენ პოლიტიკური და ბიზნეს ლიდერები, ზოგადად საქმიანი წრეები და ძალიან მნიშვნელოვანია, რომ ტურისტულ სააგენტოებს, რომლებიც დაკავებულები არიან ტურების მომზადება-გაყიდვით ინფორმაცია ჰქონდეთ ჩვენს შესახებ. გერმანია და დიდი ბრიტანეთი ჩვენთვის ახალი ბაზრებია და ამიტომ აუცილებელია მეტი ინფორმაცია ჰქონდეს პოტენციურ ტურისტებს ჩვენი ტურისტული პროდუქტების შესახებ,“- განაცხადა ღლონტმა. აჭარის ტურიზმის დეპარტამენტი რეგიონის რეკლამირებას გერმანიაში მეორე წელია ანხორციელებს. სატელევიზიო რეკლამის გარდა, რეგიონის პოზიციონირება ამ ეტაპზე ფრაქნფურტის საერთაშორისო ტურისტულ გამოფენაზე მიმდინარეობს, სადაც დეპარტამენტის წარმომადგენლები ვიზიტორებს საქართველოსა და აჭარას აცნობენ.
(NS)
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)