"ბიუჯეტის ვირთხები იყავით და ხელს აფათურებდით ყოველმხრივ ბიუჯეტში, დაწყებული თქვენი შეფიდან, დამთავრებული ნებისმიერი თქვენი ხელისუფლების ჩინოსნებამდე",-ასე მიმართა საპარლამენტო უმრავლესობის წევრმა ომარ ნიშნიანიძემ საფინანსო-საბიუჯეტო და დარგობრივი ეკონომიკისა და ეკონომიკური პიოლიტიკის კომიტეტების  გაერთიანებულ სხდომაზე "ნაციონალური მოძრაობის" წევრებს.

მისივე თქმით, ქვეყანა ნორმალური გზით ვითარდება და დემაგოგი ადამიანები სცდილობენ, ყველაფერი პირიქით წარმოაჩინონ.

"ერთი ამბავი დააწიეს, რომ ჩვენ გეგემა გვქონდაო ეკონომიკის გაჯანსაღების, ამირან გულში მღეროდაო, ბატონმა ზურაბმა სწორად უთხრა. კიბატონო, მოიტანეთ თუ რამე გაქვთ. ერთსახოვნად ყველა მზად ვართ განვიხილოთ და თუ რაიმე მართლაც დადებითი იქნება, მაშინ მივიღებთ გულწრფელად.ეს არის სპექტაკლი-ნიანგის ცრემლების ღვრა და ხალხზე ზრუნვა. ახლა გაახსენდათ ხალხი ამ ჩვენს დემაგოგ აკადემიკოსებს, რომლებსაც უნდათ ახლა წარმოაჩინონ, ვაიმე რა ცუდ დღეშია ხალხი. გაგხსენებოდათ, თქვე დალოცვილებო,  10 წლის განმავლობაში. რაც შეეხება ბიუჯეტზე ზრუნვას, ბიუჯეტზე საერთოდ არ უნდა იღებდეთ ხმას, რადგან ბიუჯეტის ვირთხები იყავით და ხელს აფათურებდით ყოველმხრივ ბიუჯეტში, დაწყებული თქვენი შეფიდან, დამთავრებული ნებისმიერი თქვენი ხელისუფლების ჩინოსნებამდე.ასე რომ, ბიუჯეტზე რომ ილაპარაკებთ ცოტა შეგრცხვეთ მაინც, ან გაწითლდეთ მაინც, თქვე დალოცვილებო.ვინ გაბედავდა,  მიშას რეჟიმის დროს თქვენი მეათედი ეთქვა ხელისუფლებისათვის, სიმართლეს ვერ იტყოდით, თორემ ისეთ სიცრუეს, სიყალბეს და დემაგოგიას, რომელსაც თქვენ ატრიალებთ აქ, ამას ვინ გაბედავდა.ეს ცრუპენტელა დემაგოგები ვერაფერს დაგვაკლებენ. ქვეყანა მიდის ნორმალური გზით",-განაცხადა ომარ ნიშნიანიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა