დღეს აჭარის მთავრობის თავმჯდომარე ზურაბ პატარაძე ფინანსთა და ეკონომიკის მინისტრ რამაზ ბოლქვაძესთან ერთად ახალ ბულვარში ინფრასტრუქტურული პროექტების განხორციელების მიმდინარეობას გაეცნო.

ახალ ბულვარში ზაფხულის ტურისტული სეზონისათვის მოსამზადებელ სამუშაოები ინტენსიურად მიმდინარეობს. პროექტების შესახებ ინფორმაცია მთავრობის ხელმძღვანელ პირებს ბულვარის დირექტორმა ეთერ მაჭუტაძემ მიაწოდა.

სარეაბილიტაციო  სამუშაოები ახალი ბულვარის ტერიტორიაზე რამდენიმე მიმართულებით მიმდინარეობს: ხდება დაზიანებული ფილები შეხვლა, ბორდიურების და ჭების მოწყობა, ასევე არსებული გრანიტის ფილების მონტაჟი.  აღნიშნულ ტერიტორიებზე რეაბილიტაცია ჩაუტარდება 30 000 კვ.მ მოცულობის სასეირნო ბილიკსა და მიწისქვეშა კომუნიკაციებს.

სამუშაოების პირველი ეტაპი ამფითეატრის მოედნიდან მეჯინისწყლის ხიდამდე ზაფხულის სეზონის დაწყებამდე დასრულდება. მიმდინარეობს ასევე ბათუმის ახალ ბულვარში არსებული დეკორატიული არხებისა და შადრევანების კაპიტალური სარემონტო სამუშაოები. აღნიშნული პროექტებისათვის 2 მილიონ ლარზე მეტია გათვალისწინებული.

„ბათუმის ბულვარში მიმდინარეობს სამშენებლო პროცესი.  მინდა აღვნიშნო ის მასშტაბური სამუშაოები, რომლებიც ახალი ბულვარის მთელ პერიმეტრზე მიმდინარეობს. ირგვლივ არსებული სასტუმრო-კომპლექსების დასრულების შემდეგ, ეს ტერიტორია კიდევ უფრო დაიტვირთება.  ძალიან მნიშვნელოვანი პროექტებია ჩვენი რეგიონისთვის სერვისების გაუმჯობესების თვალსაზრისით. ახალი ბულვარის ტერიტორია განახლებული ინფრასტრუქტურით შეხვდება მომავალ ტურისტულ სეზონს"- აღნიშნა ზურაბ პატარაძემ.

(NS)

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times