სომხეთის თავდაცვის მინისტრის ვიგენ სარქისიანის განცხადებით, ქვეყანაში შესაძლოა საგანგებო მდგომარეობა  გამოცხადდეს, - ამის შესახებ "სპუტნიკ-არმენია" იუწყება.

თავდაცვის მინისტრის თქმით, საგანგებო მდგომარეობის შესაძლო ამოქმედება ერევანში მასობრივ საპროტესტო აქციებს უკავშირდება.

"ჩვენი სურვილია და მე დარწმუნებული ვარ, ჩვენი მოქალაქეების სურვილიც არის, რომ საგანგებო მდგომარეობა არ გამოცხადდეს, არც ახლა და არც მომავალში. თუმცა, ქვეყნის კანონმდებლობა გვაძლევს შესაძლებლობას, რომ მსგავსი სიტუაციების დროს საგანგებო მდგომარეობა გამოვაცხადოთ", - განაცხადა სომხეთის თავდაცვის მინისტრმა. 

აქციები ერევანში დღეს განახლდა. მომიტინგეებს სტუდენტები და ჯარისკაცებიც შეუერთდნენ. 

ცნობისთვის, ვითარება ერევანში 16 აპრილს დაიძაბა, როდესაც მომიტინგეებმა პარლამენტის შენობაში შეღწევა სცადეს. აღნიშნულს მოჰყვა ფიზიკური დაპირისპირება, რის შედეგადაც 46 ადამიანი დაშავდა, მათ შორის 6 პოლიციელი.

შეგახსენებთ, რომ 31 მარტიდან პარტია „სამოქალაქო თანხმობა“ სომხეთის ქალაქებში მსვლელობებს მართავდა, რაც 13 აპრილს ერევანში გამართული მიტინგით და საფრანგეთის მოედანზე მჯდომარე აქციით დასრულდა. 14 აპრილს აქციის მონაწილეები სომხეთის საზოგადოებრივი რადიოს შენობაში შეიჭრნენ და ეთერი მოითხოვეს. ოპოზიცია გრძელვადიან აქციებსა და გაფიცვებს აანონსებს. აქციის მონაწილეები პრემიერ-მინისტრად სერჟ სარგსიანის დანიშვნას აპროტესტებენ. ამასთან, სომხეთის პარლამენტმა პრემიერის პოსტზე სერჟ სარგსიანი 17 აპრილს, ხმათა უმრავლესობით დაამტკიცა

ავტორი: ,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე