ოკუპირებულ აფხაზეთში რუსეთის პრეზიდენტის არჩევნებში ვლადიმერ პუტინმა ხმათა 94,1% მიიღო, - ამის შესახებ ოკუპირებულ რეგიონში რუსეთის დე-ფაქტო ელჩმა სემიონ გრიგორიევმა განაცხადა. ინფორმაციას "სპუტნიკ-აბხაზია" ავრცელებს.

როგორც ე.წ. ელჩმა აღნიშნა, პუტინმა რეგიონში 39 427 ხმა დააგროვა.

"ისევე როგორც რუსეთში, ვლადიმერ პუტინმა ოპონენტებს დიდი სხვაობით აფხაზეთშიც გაუსწრო. სხვაობა იყო ერთი, აფხაზეთში მან 20%-ით მეტი ხმა მიიღო, ვიდრე ეს რუსეთში მოხდა", - განაცხადა გრიგორიევმა.

მისივე ინფორმაციით, "მეორე ადგილზეა „კომუნისტური პარტიის“ კანდიდატი პაველ გრუდინინი, რომელმაც 1029 ხმა (2,46%) მიიღო. მესამე ადგილზე „ლიბერალ-დემოკრატიული პარტიის“ კანდიდატი ვლადიმერ ჟირინოვსკი - 654 ხმით (1,56%) გავიდა, სერგეი ბაბურინმა 286 ხმა (0.68%_ მიიღო, ქსენია სობჩაკმა - 247 ხმა (0.59%) ხმა დააგროვა, ხოლო მაქსიმ სურაიკინმა 98 ხმა მოიპოვა“, - განაცხადა გრიგორიევმა.

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times