„ახლა არ არის საუკეთესო  დრო გადაბრალებებისთვის და დაპირისპირებებისთვის“,-ამის შესახებ საქართველოს  პრეზიდენტის მრჩეველმა ეკონომიკურ საკითხებში გიორგი აბაშიშვილმა  ლარის კურსის გაუფასურებისა და ამ პროცესში ეროვნული ბანკის როლის საკითხის კომენტირებისას ჟურნალისტებს განუცხადა.

მისივე თქმით, აუცილებელია, რომ მთავრობასა  ეროვნულ ბანკს შორის კოორდინაციია შენარჩუნდეს.

„ძალიან მნიშვნელოვანია მოვისმინოთ ეროვნული ბანკის პრეზიდენტის ანგარიში პარლამენტში, ახლა არ არის საუკეთესო  დრო გადაბრალებებისთვის და დაპირისპირებებისთვის, რადგან მნიშვნელოვანია კოორდინაციის შენარჩუნება, როგორც სამუშაო დონეზე, ასევე რომ საზოგადოება ხედავდეს ეროვნული ბანკისა და მთავრობის კოორინირებულ მუშაობას. ჩვენი პოზიცია მთელი ამ პერიოდის განმვლობაში არის მოწოდება კოორდინაციისკენ, ურთიერთთანამშრომლობისკენ, მთავარი რაც საზოგადოებას  აინტერესებს არის სტაბილიზაციისკენ გადასადგმელი ნაბიჯები და მთავარი აქცენტი ამაზე უნდა გაკეთდეს“,-აღნიშნა გიორგი აბაშიშვილმა.

ამასთან, რაც შეეხება საერთაშორისო ორგანიზაციების მიერ, საქართველოს ეკონომიკური პროგნოზის შემცირებას გიორგი აბაშიშვილის თქმით,  ეს სიახლე არ არის.

„ეკონომიკური ზრდის შენელების ნაწილში ახალი არაფერია, ასეთი იყო EBRD-ის  პროგნოზი, მთავრობა და ვიცე -პრემიერმა რამდენიმე თვის წინ განაცხადეს, რომ დაგეგმილი 5%-იანი ეკონომიკური  ზრდა ვერ იქნებოდა“,-განაცხადა გიორგი აბაშიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times