ტოტალური თავდაცვის მიმართულებით გამოცდილების გაზიარება, ერთობლივი სწავლებები, სავალდებულო სამხედრო სამსახური, რეზერვის ახალი კონცეფცია - ეს ის საკითხებია, რომელზეც შვედეთის თავდაცვის მინისტრმა ვაზიანის სამხედრო ბაზაზე სტუმრობისას, ყურადღება გაამახვილა და საქართველოს მხარდაჭერა აღუთქვა.

პიტერ ჰულტქვისტი ვაზიანში საქართველოს თავდაცვის მინისტრთან, ლევან იზორიასთან და გენერალური შტაბის უფროსთან, გენერალ-მაიორ ვლადიმერ ჩაჩიბაიასთან ერთად იმყოფებოდა. ორი ქვეყნის თავდაცვის მინისტრები ბრიგადის ოფიცრებსა და სერჟანტებს პირადად გაესაუბრნენ, გაწეული სამსახურისთვის მათ მადლობა გადაუხადეს და წარმატებები უსურვეს. შვედეთის თავდაცვის მინისტრის საქართველოში ვიზიტის ფარგლებში ცნობილი გახდა, რომ შვედეთი 2019 წელს “ნატო-საქართველოს სწავლებაში” ჩაერთვება. ჯარისკაცებთან გასაუბრების შემდეგ, მეოთხე მექანიზებული ბრიგადის ხელმძღვანელობამ შვედეთის დელეგაციას ბრიგადის ისტორიისა და საქმიანობის შესახებ პრეზენტაცია წარუდგინა და მომავლის გეგმები გააცნო.

შვედეთის თავდაცვის მინისტრმა საქართველოში სავალდებულო სამხედრო სამსახურის აღდგენისა და ახალი სარეზერვო სამსახურის შემოღების გამო კმაყოფილება გამოთქვა.

„ჩემთვის დიდი პატივია, რომ ვესტუმრე საქართველოს შეიარაღებული ძალების სამხედრო ქვედანაყოფს და მასზე დისლოცირებული სამხედრო მოსამსახურეების რაოდენობის, მათი სამხედრო ცხოვრებისა და საკონტრაქტო სამხედრო სამსახურის შესახებ მივიღე ინფორმაცია. გავეცანი ქვედანაყოფში არსებულ ტექნიკასაც. მკაფიოდ ჩანს, რომ საქართველოს მთავრობა ხელს უწყობს სამხედრო შესაძლებლობების გაზრდას, ამავე დროს აფართოებს თანამშრომლობას სხვა ქვეყნებთან. ძალიან ვამაყობ, რომ საქართველოში ჩემი კოლეგის მოწვევით ვიმყოფები, რომელთანაც დღეს ძალიან ნაყოფიერი დისკუსია მქონდა. ვისაუბრეთ, თუ როგორ შეგვიძლია განვავითაროთ ჩვენს ქვეყნებს შორის თავდაცვის სფეროში თანამშრომლობა. ვგეგმავთ წვრთნებში ერთობლივ მონაწილეობას როგორც საქართველოში, ისე შვედეთში. კიდევ ერთხელ მინდა აღვნიშნო, რომ პატივი უნდა ვცეთ საერთაშორისო სამართლით აღიარებულ ნორმებს და თითოეული ქვეყნის სუვერენიტეტს. ბატონო მინისტრო, დიდ მადლობას გიხდით შესანიშნავი სტუმართმოყვარეობისთვის, ურთიერთობისა და მეგობრობისთვის“, - განაცხადა შვედეთის სამეფოს თავდაცვის მინისტრმა პიტერ ჰულტქვისტიმ.

საქართველოსა და შვედეთის თავდაცვის მინისტრებმა ორი ქვეყნის სტრატეგიულ ხედვაში არსებულ მსგავსებებზე გაამახვილეს ყურადრება და ამ მიმართულებით აქტიური თანამშრომლობის მზადყოფნა გამოთქვეს. საქართველოს თავდაცვის მინისტრის განცხადებით, წვევამდელთა დიდი ნაწილი სურვილს გამოთქვამს სავალდებულო სამხედრო სამსახურის დასრულების შემდეგ საქმიანობა პროფესიულ არმიაში გააგრძელოს. 

სტუმრებმა მეოთხე მექანიზებული ბრიგადის ბაზაზე შეიარაღებაც დაათვალიერეს. 

შვედეთის თავდაცვის მინისტრი საქართველოში ორდღიანი ოფიციალური ვიზიტით იმყოფება. მას ქართველი კოლეგა, ლევან იზორია მასპინძლობს.

(NS)

ავტორი: ,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ