პარლამენტის ვიცე-სპიკერმა ირმა ინაშვილმა "ნაციიონალური მოძრაობის" ყოფილი და მოქმედი წევრები "მაუწყებლობის შესახებ" კანონის განხილვის პროცესში გააკრიტიკა.

ინაშვილის თქმით, "ნაციონალური მოძრაობის" მმართველობის დროს საზოგადოებრივი მაუწყებელი "ყრუ და ბრმა" იყო. მან უმცირესობის დეპუტატებს მედია ზონდერები უწოდა.

"კანონპროექტის ავტორები სხვადასხვა მედია წარმომადგენლებს აფასებდით და ამბობდით, რომ ისინი საზოგადოებრივი მაუწყებლის წინააღმდეგ ბრძოლას ატარებენ. იქნებ პროფესიით ჟურნალისტები მალე სახელმწიფოს მტრებად გამოგვაცხადოთ?! ეს ის გზაა, რომელზეც თავის დროზე მიხეილ სააკაშვილი იდგა. სააკაშვილის პარტიის წევრები მედიის თავისუფლებაზე დიდი ენთუზიაზმით საუბრობენ. თქვენი დასაცავი მედია საქართველოს არ ჰყავს. არ სჭირდება მედიას თქვენი დაცვა, იმიტომ, რომ მედია ზონდერები სხედხართ აქ პარლამენტში "ნაციონალური მოძრაობიდან", ორივე ფრთას ვგულისხმობ. მე, რომ თქვენ ადგილზე ვიყო გავწითლდებოდა და გავჩუმდებოდი. მაგრამ თქვენ ამდენი სინდისიც არ გყოფნით. საზმაუს მოდელი უნდა შენარჩუნდეს და განვითარდეს. მაგრამ ჩვენ ძირითადად ვლაპარაკობთ ფულზე, დაფინანსებაზე და არ ვლაპარაკობთ პრიორიტეტებზე და კონცეფციაზე. ასევე არც იმაზე ვსაუბრობთ თუ რას უნდა სთავაზობდეს ხალხს საზოგადოებრივი მაუწყებელი. სრულიად აცდენილი იყო საზოგადოებრივი მაუწყებელი ხალხის, სახელმწიფოს, სამშობლოს ინტერესს თქვენი მმართველობის დროს. 26 მაისი იყო, 7 ნოემბერი იყო - ეს ტელევიზია დუმდა, იყო ბრმა და ყრუ. დღეს ჩვენ ვსაუბრობთ იმაზე, რომ საზმაუ არ დარჩეს სიბრმავესა და სიყრუეში", - მიმართა ირმა ინაშვილმა "ნაციონალური მოძრაობის" ყოფილ და მოქმედ წევრებს.

ავტორი: ,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა