საქართველოს პრემიერ-მინისტრი ირაკლი ღარიბაშვილი ავსტრიაში ქართველი გოგონას დაღუპვის გამო მწუხარებას გამოთქვამს.

პრემიერი იმედოვნებს, რომ ავსტრიის პოლიცია  სოფიკო ლოლაშვილის გარდაცვალების მიზეზებს დაადგენს.

„მწუხარებას გამოვთქვამ ავსტრიაში ჩვენი ახალგაზრდა თანამოქალაქის, სოფიკო ლოლაშვილის  ტრაგიკულად დაღუპვის გამო. ვიზიარებ და თანავუგრძნობ დაღუპულის ოჯახსა და ახლობლებს.
იმედს გამოვთქვამ, რომ ავსტრიის პოლიცია გამოიძიებს და დაადგენს სოფიკო ლოლაშვილის გარდაცვალების მიზეზებს.

გარდაცვლილის ჩამოსვენებისა და დაკრძალვის ხარჯებს სახელმწიფო გაიღებს“, - ნათქვამია პრემიერ-მინისტრის განცხადებაში.

ცნობისთვის, ავსტრიის ქალაქ გრაინთან ახლოს მდინარე დუნაიში გარდაცვლილი  ქართველი გოგონას ცხედარი იპოვეს. გამოცემა Nachrichten.at-ის ცნობით, გოგონა ავსტრიაში Au-pair-ის პროგრამით ერთ-ერთ ოჯახში მუშაობდა.  იგი აპრილის ბოლოს გაუჩინარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე