სააკაშვილის პარტია პოროშენკოს იმპიჩმენტის მოთხოვნით მარშს 4 თებერვალს გამართავს

2018-01-27 15:48:41, 2434 ნახვა

მსოფლიო

საქართველოს მესამე პრეზიდენტმა მიხეილ სააკაშვილმა ფართო მასშტაბიანი მარში დააანონსა.

როგორც ოდესის ყოფილმა გუბერნატორმა ტელეკომპანია NewsOne-ის ეთერში განაცხადა, მარში 4 თებერვალს ჩატარდება.

მისივე შეფასებით, ნაწილობრივი შინაპატიმრობა მას პოლიტიკური მოღვაწეობის შეზღუდვის მიზნით მიუსაჯეს.

"ბოლომდე ვიბრძოლებ, სანამ უკრაინას ოლიგარქები მართავენ. მესმის, რომ მთელ სისტემას ჩემი ეშინია. 12:00 საათზე დავიწყებთ შეკრებვას, სავარაუდოდ ტრადიციულად მსვლელობა შევჩენკოს პარკიდან დაიწყება და მაიდნამდე მივალთ", - განაცხადა სააკაშვილმა.

მანს ასევე აღნიშნა, რომ 4 თებერვალს დაგეგმილი მარშის მთავარი მოთხოვა პრეზიდენტ პეტრო პოროშენკოს იმპიჩმენტი იქნება.

შეგახსენებთ, რომ კიევის სააპელაციო სასამართლომ საქართველოს ყოფილ პრეზიდენტს, ოდესის ოლქის ყოფილ გუბერნატორს მიხეილ სააკაშვილს შინაპატიმრობა მიუსაჯა. კიევის სააპელაციო სასამართლოს გადაწყვეტილებით, საქართველოს ყოფილ პრეზიდენტ მიხეილ სააკაშვილზე შინაპატიმრობა 22:00 საათიდან 07:00 საათამდე პერიოდში გავრცელდება. ამასთან, სააკაშვილი ვალდებულია ელექტრონული სამაჯური ატაროს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები