ია პოზოვი: მიკაილ კადიევის განაცხადი არ აკმაყოფილებდა ლტოლვილის სტატუსის მინიჭების კრიტერიუმებს

2018-01-25 15:12:56, 1964 ნახვა

კომენტარი

ლტოლვილთა და განსახლების სამინისტრომ დაღესტნელი სამოქალაქო აქტივისტის მიკაილ კადიევის საკითხი შეისწავლა და დაადგინა, მას არანაირი კრიტერიუმი არ აქვს, რომ ლტოლვილის სტატუსს იმსახურებდეს, - ამის შესახებ სამინისტროს სტატუსის დადგენის განყოფილების უფროსმა ია პოზოვმა განაცხადა.

როგორც უწყების წარმომადგენელმა აღნიშნა, მიკაილ კადიევმა სამინისტროს მიერ მიღებული გადაწყვეტილება გაასაჩიივრა.

"ეს ადამიანი არ აკმაყოფილებდა არც ლტოლვილის და არც ჰუმანიტარული სტატუსის მინიჭების კრიტერიუმებს. შესაბამისად ეს გადაწყვეტილებაც გაასაჩივრა სასამართლოში და სააპელაციო სასამართლომ, რომელიც არის ბოლო ინსტანცია აღნიშნულ საკითხებზე, მიიღო გადაწყვეტილება, რომ დაეტოვა ძალაში სამინისტროს გადაწყვეტილება", - განაცხადა ია პოზოვმა.

ცნობისთვის, დაღესტნელმა საზოგადოებრივმა აქტივისტმა საქართველოს ლტოლვილტა მინიჭების სტატუსის მოთხოვნით მიმართა, თუმცა უწყებამ მას სტატუსის მინიჭებაზე უარი უთხრა. უფლებადამცველი აცხადებს, რომ თუ მისი რუსეთში ექსტრადირება მოხდება, მას საფრთხე ემუქრება. ის ჩეჩნეთში უფლებადამცველების მიმართ ზეწოლის ფაქტებზეც საუბრობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები