ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

2026-10-25 20:19:07, 280 ნახვა

სამართალი

"ამ ქვეყანაზე ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას..." | დაწერა ცოლის მკვლელობაში ბრალდებულმა ზაზა კარბაიამ Facebook-ზე, სავარაუდოდ, მკვლელობის შემდეგ

დღეს გავრცელდა ინფორმაცია, რომ ფოთში კაცმა ცოლი მოკლა.

მედიაში გავრცელებული ინფორმაციით, მან ოთხში ჯერ ბუნებრივი აირი გაუშვა, შემდეგ კი 47 წლის ცოლი, სავარაუდოდ, ბალიშით გაგუდა. ასევე, გავრცელებული ცნობით, კაცმა დანაშაულის ჩადენის შემდეგ 112-ში თავადვე დარეკა. ადგილზე მისულ სასწრაფო-სამედიცინო დახმარების ბრიგადას ქალი გარდაცვლილი დახვდა. გავრცელებული ინფორმაციით, შელაპარაკება ეჭვიანობის ნიადაგზე დაიწყო. არსებული ინფორმაციით, დანაშაულის ჩადენის დროს ცოლ-ქმარი სახლში მარტო იმყოფებოდა. მათ ოთხი შვილი ჰყავთ.

დამამძიმებელ გარემოებაში ოჯახის წევრის განზრახ მკვლელობის ფაქტზე გამოძიება სისხლის სამართლის კოდექსის 11 პრიმა 109-ე მუხლით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან