ბრიტანელი მომღერლის ელტონ ჯონის ინფორმაციით, მსოფლიოს 5 კონტინენტზე გასტროლებს 3 წლის შემდეგ დაასრულებს, - შესაბამისი განცხადება კომპოზიტორმა გუშინ გამართულ პრესკონფერენციაზე გააკეთა.

ინფორმაციას BBC ავრცელებს.

როგორც ელტონ ჯონმა აღნიშნა, 3 წლის განმავლობაში ის 300-ზე მეტ კონცერტს გამართავს.

ჯონის თქმით, გასტროლებს ის 2021 წელს დაასრულებს. გასტროლების შეწყვეტის მიზეზი "ოჯახთან უფრო მეტი დროის გატარების სურვილია".

"ყოველთვის მეგონა, რომ დიდი რე ჩარლზივით ვიქნები - მუდამ გზაში, მაგრამ ჩემი პრიორიტეტები შეიცვალა. ახლა ჩემთვის პრიორიტეტული არიან შვილები, მეუღლე და ოჯახი. ვფიქრობ, სწორი მომენტია რათა მადლობა გადავუხადო ყველა ჩემს თაყვანისმცემელს მსოფლიოს მასშტაბით, შემდეგ კი დავემშვიდობო მათ. რაც შეეხება ჩემს ჯანმრთელობას, თუ 300 კონცერტის გამართვას ვგეგმავ, ესე იგი ჯანმრთელობის მდგომარეობა ძალიან კარგი მაქვს“, - განაცხადა მომღერალმა.

ცნობისთვის, გუშინ Daily Mirror-მა გაავრცელა ინფორმაცია, რომ ელტონ ჯონი სასტროლების შეწყვეტას გეგმავს. ელტონ ჯონი მსოფლიო მასშტაბით ტურნეებს უკვე თითქმის 50 წლის განმავლობაში ატარებს.

შეგახსენებთ, რომ ელტონ ჯონის კონცერტი, თავდაპირველად Black Sea Arena-ზე2017 წლის 16-17 სექტემბერს უნდა ჩატარებულიყო, თუმცა მოგვიანებით ის ერთი წლით გადადეს. კონცერტის გადადების მიზეზი გიტარისტისა და ტურის მუსიკალური დირექტორის, დეივი ჯონსთოუნის ოპერაცია გახდა. ბოლო ინფორმაციის თანახმად ელტონ ჯონის კონცერტი 2018 წლის 30 ივნისსა და 1 ივლისს უნდა გაიმართოს. ამის შემდეგ მომღერალმა ოფიციალური კომენტარის გაავრცელა: ძალიან ვწუხვარ საქართველოში დაგეგმილი კონცერტების გადადების გამო. მაგრამ ძალიან ველოდები საქართველოში ჩასვლას", - აცხადებდა კომპოზიტორი.

ავტორი: ,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება